خواطر من دفتر الغربة

موضوع: خواطر من دفتر الغربة 2009-12-03, 04:33

خواطر من دفتر الغربة
قاعد براي في غربتي
حيران وحيد حاضن شجوني ووحشتي
عبر الأثير السرمدي
جاني الشعاع
شايل خيوط الفجر يسّربل حنين
يعلن نهاية وحدتي
بنت شارقة ذي فلق الصباح
بنت موشحة بالبساطة والظرافة أجمل وشاح
ذي التقول راجاياني تفتح سكتي
وليلي الطويل بان ليه آخر
ظهرت محطات الوصول
اتعانقت كل المواسم والفصول
في زول جميل
راقي وأصيل
جاني الدعاش ... بدأ الهطول
ولملمت كل مرؤتي وجسارتي
كان أقدر احلم بالوصول .
بكرانا عيد
وعمر مديد
عامرة المواسم بالرضا
وأنا زول سعيد
أدتني ايديها سوا ...
وأنا زول رقيق ... خابر الهوى
وأنا كيف اسوى
مع الهوى
وطعم الهوى ... ولذة تعابير الهوى

فيضي وسناك يبرق هنا
ريحة دعاشك تروي في عمري الحزين كمين سنة

فرحة وصولك غنوة رائعة مدوزنة
واقف أنا فارس هواك
لا الريح تشيل مني العزيمة
وخيول هواي ما بترضي بالضيم والهزيمة

يا أحلى غيمة ... يا أغلى قيمة
متحفظة
متحجبة
متعففة
ومستقيمة

» الغربة الغشاشى ( وجع الغربة الدفين )
» خواطر
» خواطر مجتمعة
» اماسى الغربة
» على شاطئ الغربة