شق جسم الليل عويله وضمت الاهات زليله حوا ياناس ياحليله وتاني ياناس ياحليله ماسكي كف الثوب تخيط والدموع تنزل هميله كان متاكي الباب وخايفي من ابوها يشوف حويله ما العليهو هو ماهو هين كيف تعل روحو العليله كان يقول لها حوا مالك والعذاب كيفن مشى لك حوا لا تزيدي العليكي فوق كتيفي انا شايلو فالك من مسيدات المزلة بكرة يتفكن حبالك حوا ماهميني حالي وله صح هاميني حالك حو ا حوا باقي نصبر ونحبس العبر الثقيله اصلوا من ولدوها ضمه مافرت خشيمه ورددت شفتيها يمه حوا كان احلامه حمه وكان تشوف الدنيا غمه ماهى ياناس غير ابوها مافى زول بيها همه ماهى من ولدوها ماهى حيه ويومه تمه حوا برد الدنيا اكبر والله اكبر من غتاها حوا كان بامكانه تسرق بس ضمير الخير حماها حوا عاشت فى المآسى كان بتصحى على صداها زاد ازاها وزاد شقاها لمه ابوها الراجيه ودع وروحو دقت بوغ رحيله حوا عاشت فى المآسى والمآسى بقت حقيقه قالت دايرى تشرب مالقت ولاحتى ريقه مالقت غير هم مقسم يبقى فى الايام رفيقه حوا قالت داير تاكل لو لقت لها لقمه نيه قالوا ليها ان دايري تاكلي اكلي في خاطرك شويه اضحكيلم ابسميلم تلقي بدل القمه ميه حوا قالت دايره تلبس حشمة ما شرطا" قيافه قالوا ليها الدايره تلبس الا تمرق توب عفافه حوا قالت دايره تغمد لو حلم بالفرحه طافه قالو ليها الدايري تغمد الا في صدر السخافه بينا بين عيشة المعزه ماخلاص بعدت مسافه حتى قدر الموت اباها مش حرام الموت ياعافا سوت الشاي للعطالي ماجنت غير الرزاله حامت الحلات تغسل شالو ناس الحله حاله مدت الايد للعمايه ختو في ايدينه لالا ختت الالآلم وراها لاقت الاوهام قباله قنبت في ضل مصغر سارحة تلتق في نعالة في ضجيج عجلات زمانه مانست لمحة جماله وما لقت غير انو ترحل لمدائن الهم زليله حوا ماتت لمه ماتت امها وكانت طفيله حوا ماتت لما ابوها روحو دقت بوغ رحيله وحوا ماتت الف مره لما سلبوها الفضيله
RuStOm عضو نشيط
تاريخ التسجيل : 26/04/2009 عدد الرسائل : 108 العمر : 36 الموقع : المملكه العربيه السعوديه
كلمات رائعه بسيطه مفهومه واقعيه للاسف دي حالة البلد فكل من اضطرتهاالظروف الخروج للعمل الشريف نظر اليها ضعاف النفوس نظرات الريبه والشك وتطاردها الذئاب البشريه فلايرحموا ضعفها والحكام مشغولون عن الايتام والارامل والضعفاء وحليل زمان القال نهارها مع الطواقي ليلها مع السواقي مره ولا دستة رجال ودمتم
المسلمى مشرف منتدي الاخبار
تاريخ التسجيل : 23/03/2009 عدد الرسائل : 843 العمر : 54
الرئيسية 
أحدث الصور 
التسجيل 
دخول 
2009-05-02, 09:45
