مفرداتنا السودانية

موضوع: مفرداتنا السودانية 2009-04-16, 08:38

بعض المفردات السودانية

جفل :أجفل – مضى وأسرع0 نفس المعنى0وقد وردت الكلمة في الشعر الشايقي، عندما يصف إبن الريف وهو راقد على العنقريب( السرير كرابه اتقطع نزل والنوم من البيفوقو روّح تب جفل0
شنف: رماه بنظرة فيها إستنكار وكره0 نفس المعنى في العامية السودانية0
حتيتة:الحتّاتة من كل شئ:ما تناثر منه ويقال ما في يدي منه حتيتة 0نفس المعنى في السودان، ويستعملونها السودانيون للتعبير عن الشئ اليسرأو الصغير0
بلّص الشئ: طلبه في الخفاء ، في السودان :البلصة تعني الرشوة 0
دعك: دعك الجلد : دلكه ولينه 0نفس المعنى في العامية السودانية
دفره: دفعه في قفاه أوفي صدره كذلك المعنى في العامية السودانية 0
إندل الماء :إنصب0في السودان تعني : نزل0 وفي قبيلة الشايقية عندما يقول أحدهم (صادر ومندلي) يقصد(طالع ونازل)0 وفي كردفان عندما يقال (دلاني )يراد بها نزلني 0
الذرا:ما أستتر به ، ويقال أنا في ذرا فلان 0في السودان تقلب الذال ضاداً في كثير من الكلمات، ذرا:ضرا 0 ذنب: ضنب0 كذب: كضب 0 أذن :أضن ، وهكذا0
رطن: خاطبه بالأعجمي0 نفس المعنى في العامية السودانية0
الرطانة: يقال كلمه بالرطانة أي بكلام أعجمي ، أو بكلام لا يفهمه الجمهور0والمعنى كذلك في العامية السودانية0 ويطلقون كلمة الرطانة على جميع اللغات غير العربية0
الزريبة :زرب للماشية ، أي عمل لها زريبة 0 في العامية السودانية ، هو السور الذي يحيط بالماشية
زنق: زنق على عياله : ضيق بخلاً أوفقراً0في العامية السودانية ، الزنقة تعني الضيق0
الزول : الخفيف الحركات والفطن- والشخص الشجاع الذي يزول الناس من شجاعته 0

السلبة : ضرب من الحبال0في العامية السودانية ، تطلق على الحبل المتين المصنوع من ألياف النخيل أو شرائح الجلد أو سعف الدوم0
الشين: العيب والقبح نفس المعنى في العامية السودانية0
العكاز : عصا يتوكأ عليها..
فرفر:سارع إلى الحماقة0 في السودان: لم يطاوعه وعاكسه 0
فرهد : امتلأ وحسن 0 نفس المعنى في العامية السودانية 0
فلع :فلع الشئ : شقه- يقال فلع رأسه بالسيف0 نفس المعنى في السودان0
الفلقة :عود يتصل بها حبلان تمسك بها القدمان للجلد 0في السودان كان سائداً في الخلاوي ، وكان شيخ الخلوة يجري عملية الفلقة في التلميذ الذي يرتكب خطأً جسيماً أو يتغيب عن الدراسة0
كرباج : السوط نفس المعنى في العامية السودانية0
القلة : الجرة من الفخار 0 في السودان تطلق على الجرة أياكان نوعه0
الكانون : الموقد 0 نفس المعنى في العامية السودانية0
اللبد: مايوضع تحت السرج 0 نفس المعنى وتطلق ( اللبادة) في السودان0
مرق : من الدين خرج،وفي الأرض ذهب0في السودان تعني : خرج0
امتعط :تساقط الشعر0 نفس المعنى، ويقال معط فلان شعر فلاناً أي خلعه0
الملص : العريان 0نفس المعنى ، ويقال فلان ملص هدومه أي خلع ملابسه0
النبوت : العصا الغليظة0 كذلك تعني العصا في السودان0
الهذر :سقط الكلام0 في السودان تنطق ( الهذار ) أو الهظار و يقال: فلان هاذر مع فلان أي مازحه0

موضوع: رد: مفرداتنا السودانية 2009-04-20, 05:22

والله ان كان خشيت لينا فى موضوع المحجان والسوكرة والبربندى والمترار والحاجات الاندثرت دى تكون ما قصرته تب اى ممكن يكون معظم الناس الهنا ديل عارفنها علا ناس ماما وبابا وتعطيش الجيم مااااااااااااااااااااا أظن

موضوع: رد: مفرداتنا السودانية 2009-04-21, 11:30

حقيقة رائع رائع

موضوع: رد: مفرداتنا السودانية 2009-04-23, 04:52

عزيزى ابو مصطفى

مسائك خير

موضوع جميل لدرجة الجمال يحيى كثير من الموروسات

وحقيقى انا كان عندى نية انى اعمل بوست زى دة واهو الحمد لله انت ما قصرت

ياريت تواصل مشوارك

ودى مشاركة بسيطة

الشرغرغ : مصفي الجبنة

الكنتوش : حلة تصنع من الفخار

المــترار : آله بدائية لعمل الخيوط من القطن

المشلعيب : يصنع من حبال سعفية او جلدية ويعلق ويوضع فيه ماعون يحفظ الأشياء

البخســة : هي إناء من القرع

السحارة : صندوق يصنع من الخشب وتوضع بداخله الملابس أو الأواني أو اي شي مهم

موضوع: رد: مفرداتنا السودانية 2009-04-23, 05:09

موضوع: رد: مفرداتنا السودانية 2009-04-24, 04:33

السحارة : صندوق يصنع من الخشب وتوضع بداخله الملابس أو الأواني أو اي شي مهم .

موضوع: رد: مفرداتنا السودانية 2009-04-24, 04:36

الكنتوش : حلة تصنع من الفخار
يضع فية العجين

موضوع: رد: مفرداتنا السودانية 2009-04-27, 14:28

موضوع: رد: مفرداتنا السودانية 2009-04-27, 14:33

السحارة : صندوق كبير توضع فيه بعض الاشياء التي تحتاجها الزوجة
الكابديلو : سبت توضع فيه ملابس العروس كان يستخدم بدلاعن الدولاب
عنقريب فرطه : سرير من الخشب كبير الحجم وفاخر وتوضع عليه مراتب او لحافات ويستخدم كسرير غرفة النوم، ويكون للعروس الجديده عنقربين فرطه
عنقريب هبابي : سرير من الخشب اقل جوده من العنقريب الفرطه ويوضع عليه برش ويستخدم للقيلولة
التبروكه : مصلاية الصلاة مصنوعة من الزعف او صوف الحيوان
المشلعيب : يصنع من الزعف ويعق على السقف ليحفظ الطعام
المترار : ادات يفتل بها القطن ليصبخ خيط
اللداية : ثلاثة حجار او خمشات طين توضع عليها قدور الطعام
الدحلوب : قدر يستخدم بدلا عن المرحاض ( قصرية ) للمرأة الواضعة جنين حديثا ( النفسه )
الدوداية : قدر كبير جدا للمناسبات الكبيره
الدُلُك : قدر يحفظ فيه الروب ( اللبن الرائب )
الكنتوش : قدر المطبخ العادي لطبخ الطعام اليومي
الدوكه : صاج مصنوع من الطين المطبوخ تعمل فيه الكسرة ( العواسة )
القرعة : نوع من النبات مستدير الشكل يجوف ثم يجفف بعد شقه نصفين ويستخدم لشرب الماء والسوائل

موضوع: رد: مفرداتنا السودانية 2009-04-28, 17:20

موضوع: رد: مفرداتنا السودانية 2009-04-29, 03:33

القدوم = الة نجرالخشب

البقجه = ملايه يوضع عليه الدلاقين وتربط من الاركان الاربعه

القرجه = عصايه به انحنا في اخره

الفندك = لضرب البهارات

المنقد = البتجاز بس بيشتغل بالفحم

النمليه = زي الحافله بس النمليه ما روزه ممكن تكون ركشه

موضوع: رد: مفرداتنا السودانية 2009-04-29, 03:38

وكمان من الحيوانات فى العامية السودانية هى

كديسة: هي الهرة او القطة او البسة.

الدبيب: الثعبان.

الأصلة: ثعبان ضخم

القعونجة :الضفدع.

غنماية" : الماعز.

ود ابرق: هو العصفور الدوري.. وانثاه عشوشه.

البعشوم: والجمع بعاشيم وهو الثعلب.

الخرتيت: وحيد القرن

» القهوة السودانية
» بنات الخرطوم
» صحافية سودانية توزع بطاقات لحضور عقوبة "جلدها" بسبب بنطال
» كلمات من العاميه السودانية
» نصرة الكرة السودانية