الشاعر د/ عمرمحمود خالد

عمر محمود خالد من مواليد ولاية الجزيرة - طابت الشيخ عبدالمحمود
إمتحن الشهادة السودانية بداية السبعينات
وإلتحق بكلية الطب جامعة الخرطوم
كان لقصيدة يا سيدة لا الأثر الطيب فى إشتهاره كشاعر
وكان حينها فى بداية دراسته للطب .

هاجر خارج السودان حيث عمل بالجماهيرية العربية الليبية
ومكث فى صحرائها خمسة سنوات
وكتب في هذه الفترة قصيدة " خمسة سنين " شكراً وعرفاناً لزوجته
التى رافقته .
عمل د . عمر محمود خالد معداً ومقدماً لبرنامج "صحة وعافية " فى تلفزيون السودان
لفترة من الزمن ثم تحول البرنامج إلى " قناة النيل الأزرق " ولا يذال يعرض .

د .عمر محمود خالد طبيب متخصص فى الأمراض الصدرية والتنفسية
وشاعر غنائى تغنى له محمد الأمين (خمسة سنين وحلم الأماسى ) ،
عرف بحبه وولهه بالمريخ فكتب مزهواً بإنتمائه المريخى عدة قصائد
ولا يذال ينظم قصائد فى هذا الحب المتجذر .

انتى مهما تغيبى عنى اصلو ما بتفوتى منى

عايشه فيّا وساكنه جواى فى خواطرى وفى مشاعرى

وفى تسابيحى وغناى



زى فرح ما ليهو اخر شوق سنين لزول مسافر

راجى الزمن فى يوم يجيبو لديارو ولحبيبو

والفريق يفرح يغنى


انتى مهما تغيبى عنى اصلو ما بتفوتى منى



فى عيونك شايله أكوان من وداعة ومن أصالة

ومن براءة ومن محنه عزة تشرب من معزة

ومن تراثنا ومن اصلنا


وعد غرقان فى نداهو زحمة اطفال جوه جنه

وزول بيحلم بالعديله وفرحة الريد الطويله

ناس تجيهو تغنى ليهو وناس تبارك وناس تهنئ


انتى مهما تغيبى عنى اصلو مابتفوتى منى


وتبقى يا حلم الاماسى شمعه ضاويه فى كل دار

وزهره فى كل المواسم كل يوم بتزيد نضار

وقمة لبنوت بلدنا وفرحة لعيون الصغار

ولوحة عن حسنك بتحكى فيها هزة وفيها نقزة

وفيها نوبة وفيها طار


تهفو ليك الامنيات وتزهو بيك الامسيات

وبيك تفرح وليك تغنى



انتى مهما تغيبى عنى اصلو مابتفوتى منى

خمسة سنين


خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين
ودرب الريد معاك أخضر
خمسة سنين، بريدك كل يوم أكتر
أحاول مرّة بس أنساك
عشان يا غالية أتذّكر
أجي وألقاك، ديمة معاي
وألقى هواك ملك دنياي
وفي أعماقي إتحكّّر
@@@@@@@@@@@
شعبى يا سفر الملاحم

شعب واعى وشعب فاهم

انت فى طبعك مسالم

إلا جبار يوم تخاصم

زى ما صمتك معلم

خلى صوتك يبقى حاسم .

[size=29]مشكوره علي هذا المجهود المقدر وروائع عمر خالد جميله بواقعيتها لكن الجماعه تا عبنهو شويه [/size]