أها حتاكلو شنو؟

موضوع: أها حتاكلو شنو؟ 2009-04-28, 03:56

بعد أن رأينا الأبقار وهي تضحك بلا عجب و نحن نعلم أنها ليست قليلة أدب ، لكن القصة و ما فيها أنها مجنونة و جنها دا ذاتو مجنون لأنو ممكن ينتقل للبني آدمين ودي أول مرة نشوف جن يصيب بالعدوى و عشان ما الواحد يقعد يضحك زي ا لبقرة المجنونة فمن العقل أن نتحاشى اكل لحوم البقر على الاقل عشان ما نرد على الدكتور لو سألنا عن سبب جننا زي ما ردت البقرة الما نصيحة ديك

بعد حكاية البقر بقيننا نشوف الدجاجات و هي تحمل بيدها مناديل الورق و تعطس و تكح بسبب الانفلونزا و اللي قالوا هي كمان بتعادي الإنسان و يمكن توديهو في داهية خصوصاً و أن حبوب التامي فلو قالوا ما بتنفع ، عشان كدة احسن برضو نبعد عن الجداد و بيضو عشان الواحد ما يلقى ريشو مزعوط و ما قادر يكاكي بسبب انفلونزا الجداد
بعدين جاتنا حكاية الحمى القلاعية اللي كرهت الناس اكل لحم الضحية داك السنة و قالوا كمان ممكن تصيب الإنسان و الخوف كمان الحريم يطرحن من الشهر الرابع واللا الخامس بسبب الحمى القلاعية عشان كدة من الحكمة الحذر من لبن و لحم الضان والماعز و درهم وقاية خير من قنطار علاج

أها نسوي شنوووووو؟

تطير عيشتنا

الأكل كلو بقى عيان

هسة كمان قالوا الخنازير جاتا نزلة و بتعادي البني آدمين كمان و قالوا الخرطوم مليانة زرايب خنازير و الخوف يقوم خنزير يعطس عطسة واحدة بس يهلك الناس دي كلها و ربنا يستر

بس قولوا إن شاء الله الفتريتة ما تجيها انفلونزا و اللا الفول عشان ما نموت بالجوع

موضوع: رد: أها حتاكلو شنو؟ 2009-04-28, 06:19

JAMASI كتب:: أها نسوي شنوووووو؟

تطير عيشتنا

الأكل كلو بقى عيان

عصيدة بموية وزيت سمسم صااااااااااااافى وملحة وشطة وفوقهم بصل مقطع دقااااااااااااااااااااق

وبالهنا والشفاء

Laughing

موضوع: رد: أها حتاكلو شنو؟ 2009-04-28, 06:33

[[/quote]

عصيدة بموية وزيت سمسم صااااااااااااافى وملحة وشطة وفوقهم بصل مقطع دقااااااااااااااااااااق

وبالهنا والشفاء

Laughing

[/quote]

الله يستر يا المسلمي زيت السمسم زاتو ما نتحرم منو
الشهر اللي مضى و أنا جايي من السودان شايل معاي قزازة مليانة زيت سمسم ، العسكري شافا في الجهاز قال لي شايل شنو في القزازة ؟ قلت ليهو زيت سمسم
قال لي ممنوع تشيل زيت في الطيارة ، شيل كرتونتك دي و امشي للأخت ديك ، قمت شلت الكرتونة و مشيت للأخت قالت لي ممنوع تشيل زيت في الطيارة و لازم تطلع القزازة
قلت ليها يا بت الناس حرام عليكم ، تحترمونا من زيت السمسم دا ـ دي الحاجة ا لوحيدة الما بنلقاها بالساهل ، وبعدين ما حاخطف ليكم طيارة بقزازة زيت سمسم
الله يقطع الامريكان الخوفونا حتى من زيت السمسم

موضوع: رد: أها حتاكلو شنو؟ 2009-04-28, 06:40

جمصى ات متأأأأأأأأأأأأأأأأكد انو القزاز زيت سمسم

Wink

موضوع: رد: أها حتاكلو شنو؟ 2009-04-28, 07:01

الاخ المسلمى
انت قصدك شنو من القزاز زيت سمسم دى
انت عارف لو كان زول غير الجمصى دا كنت قلت كلام دانى ولكن الجمصى
بعيد من قصدك دا اما عن

عصيدة بموية وزيت سمسم صااااااااااااافى وملحة وشطة وفوقهم بصل مقطع دقااااااااااااااااااااق

والله بقينا نخاف من اى شى بكرة يقول فى مرض البصل الصينى بس الله يعين بس نرجع تانى البلح والسمن والدخن والموية

موضوع: رد: أها حتاكلو شنو؟ 2009-04-28, 07:30

المسلمى كتب:: جمصى ات متأأأأأأأأأأأأأأأأكد انو القزاز زيت سمسم

لازم تحرجونا يعنييييييييييييييييييييييي
هههههههههههههههههههههههههه
غايتو في الجهاز ظهرت زيت سمسم

موضوع: رد: أها حتاكلو شنو؟ 2009-04-28, 07:33

دة شنو دة

كلة بقى يخوف

اها الخوف الكبير مويتنا تبقى زى حقت الاردن

موضوع: رد: أها حتاكلو شنو؟ 2009-04-28, 07:34

tyara كتب:: الاخ المسلمى
انت قصدك شنو من القزاز زيت سمسم دى
انت عارف لو كان زول غير الجمصى دا كنت قلت كلام دانى ولكن الجمصى
بعيد من قصدك دا اما عن

عصيدة بموية وزيت سمسم صااااااااااااافى وملحة وشطة وفوقهم بصل مقطع دقااااااااااااااااااااق

والله بقينا نخاف من اى شى بكرة يقول فى مرض البصل الصينى بس الله يعين بس نرجع تانى البلح والسمن والدخن والموية

كيفك يا طيارة
مشتقاين والله
كان عندنا شوية مشاكل تقينة اليومين الفاتو ديل عشان كدة ما اتشاوفنا
الزول دا قصدو شريف انا عارفو
لكن تشابه عليه القزاز
تعرف من حكاية النزلة بتاعة الجداد ديك انا كجنت الجداد و البيض
و كذلك لحم البقر
و الحمد لله القلاعية ما حضرناها في السودان
الله يستر ما يكرهونا العيش و البلح و الفول

موضوع: رد: أها حتاكلو شنو؟ 2009-04-28, 07:37

JAMASI كتب:

المسلمى كتب:: جمصى ات متأأأأأأأأأأأأأأأأكد انو القزاز زيت سمسم

لازم تحرجونا يعنييييييييييييييييييييييي
هههههههههههههههههههههههههه
غايتو في الجهاز ظهرت زيت سمسم

لا كان كدى ما ليها حق البنية

Laughing

موضوع: رد: أها حتاكلو شنو؟ 2009-04-28, 07:43

المسلمى كتب:

JAMASI كتب:

المسلمى كتب:: جمصى ات متأأأأأأأأأأأأأأأأكد انو القزاز زيت سمسم

لازم تحرجونا يعنييييييييييييييييييييييي
هههههههههههههههههههههههههه
غايتو في الجهاز ظهرت زيت سمسم

لا لا عداها العيب ، طلعت بنية و فنجرية وحلاوة نبق
خلتين اشيل القزازة معاي

لا كان كدى ما ليها حق البنية

Laughing

موضوع: رد: أها حتاكلو شنو؟ 2009-04-28, 09:22

الله اكون في عونا منتظرين فتوي

ناكل شنو بقينا كلو شي خايفين منو يلا ياجمصي قولينا ولا المسلمي ممكن يفتو لينا وعنده
البفتو كتار
لكن يا جمصي في السودان الخنازير ديل الجابون منا وبعمل بيهم شنو عملين ليهم حظائر

موضوع: رد: أها حتاكلو شنو؟ 2009-04-28, 13:27

يديك العافية اخى الجمصى وانت تسرد لنا هذة القفشات الرائعة لاكين والله بين وبينك الحكاية دى بقت صعبة شديد

كل مرة تتطلع حاجة جديدة ربك يعين بس بعدة ممكن الناس تقبل على السمك وتنزل البحر مافى حل غير كدة
والله يالجمصى اخوى الناس ديل بالغو فى حكاية زيت السمسم حايعمل شنو زى ماقلت الواحد كان مفكر لمن يمشو يجيب معاه قزاز سمن بعدة كدة نشوف لينا حاجة تانية

موضوع: رد: أها حتاكلو شنو؟ 2009-04-28, 15:41

تسلم اخى الجمصى وبارك الله فيك ....فعلا الحكاية بقت صعبه ....ياكلو شنو دى بقت مشكلة.....ربنا يكون فى العون

موضوع: رد: أها حتاكلو شنو؟ 2009-04-29, 06:02

Mustafa كتب:: الله اكون في عونا منتظرين فتوي

ناكل شنو بقينا كلو شي خايفين منو يلا ياجمصي قولينا ولا المسلمي ممكن يفتو لينا وعنده
البفتو كتار
لكن يا جمصي في السودان الخنازير ديل الجابون منا وبعمل بيهم شنو عملين ليهم حظائر

[size=24]

المصيبة كمان يا مصطفى أنا بقيت ما بأكل قمح و كان داير ليك فتوى مني ،إلا تأكل حمت رمت ـ بتعرفو الحمت رمت دا واللا اشرحو ليك
ههههههههه
[/size]

موضوع: رد: أها حتاكلو شنو؟ 2009-04-29, 06:07

خالد العبيد كتب:: يديك العافية اخى الجمصى وانت تسرد لنا هذة القفشات الرائعة لاكين والله بين وبينك الحكاية دى بقت صعبة شديد

كل مرة تتطلع حاجة جديدة ربك يعين بس بعدة ممكن الناس تقبل على السمك وتنزل البحر مافى حل غير كدة
والله يالجمصى اخوى الناس ديل بالغو فى حكاية زيت السمسم حايعمل شنو زى ماقلت الواحد كان مفكر لمن يمشو يجيب معاه قزاز سمن بعدة كدة نشوف لينا حاجة تانية

إزيك يا خلووودي
مالك قاطع المخبر ياخوي ، سمعتو واللا جابوهو ليك
البحر احسن حل لو ما السمك جاتو كوليرا
و قزازة السمن دي ما طريقة تجيبا إلا تشربها هناك و تركب الطيارة
خخخخخخخخخخخخخخخخخخخخخخخخخخخخخ

موضوع: رد: أها حتاكلو شنو؟ 2009-04-29, 06:12

asmar كتب:: تسلم اخى الجمصى وبارك الله فيك ....فعلا الحكاية بقت صعبه ....ياكلو شنو دى بقت مشكلة.....ربنا يكون فى العون

هلا أسمار
بس يا ريت بما عرف عن السودانيات من عبقرية تشوفو لينا حل في قصة الأكل دي قبال ما نلقى نفسنا خايفين من كل حاجة و نموت مكوفرين

موضوع: رد: أها حتاكلو شنو؟ 2009-04-29, 07:00

والله انا عندى ليك حل بريحك راحه وتاكل كل الفى نفسك ................تلملم شنطك وتجى ده لو ما عايذ تموت

موضوع: رد: أها حتاكلو شنو؟ 2009-04-29, 07:16

بنبونى غير كتب:: والله انا عندى ليك حل بريحك راحه وتاكل كل الفى نفسك ................تلملم شنطك وتجى ده لو ما عايذ تموت

أجي وين يا بنبوني يا حبيبي و قالوا الخرطوم مليانة خنازير ، تضمن لي ما عندها نزلة تعادينا بيها

موضوع: رد: أها حتاكلو شنو؟ 2009-04-29, 07:32

والله حتى لو فيها نزله اخير ليك تموت شبعان

موضوع: رد: أها حتاكلو شنو؟ 2009-04-30, 01:28

بنبونى غير كتب:: والله حتى لو فيها نزله اخير ليك تموت شبعان

يا بنبوني غير ......... يا بنبوني غير
لي شنو لهجتك حادة كدة ، بعدين انا ما قلت انا خايف اموت بالجوع ، الخير كتير والحمد لله ، الله يدي النفس للأكل ههههههه
الموضوع كلو ترفيه و هزار ، بس والله أتمنى ربنا يقدرني اشيل شنطي و ارجع الليلة قبل بكرة ، لكن بعد ما يذبحوا الخناذير دي و يحرقوها Very Happy

موضوع: رد: أها حتاكلو شنو؟ 2009-04-30, 02:59

المسلمي رايك شنو اسويها ليك اليوم
الاخ الجمصي طبعا موضوع جميل جدا والحكمة انو انا قاعدة افكر ناكل شنو الليلة ومالاقية زول يجاوبني

موضوع: رد: أها حتاكلو شنو؟ 2009-04-30, 03:50

تيتا كتب:: المسلمي رايك شنو اسويها ليك اليوم
الاخ الجمصي طبعا موضوع جميل جدا والحكمة انو انا قاعدة افكر ناكل شنو الليلة ومالاقية زول يجاوبني

لو قصدك على اقتراح المسلمي ، سويها طوالي و ما تشاوريهو ، ويا ريت لو رسلتو لينا منها شوية بال دي أتش إل
و الله احلى حاجة بس ما تكتري الشطة

شاكر لك المرور يا تيتا ، وين المسلمي الليلة ما ظاهر

موضوع: رد: أها حتاكلو شنو؟ 2009-06-10, 04:28

حيرتنا معاك يا الجمي نأكل شنو دي ذاتها بقت مشكلة الدجاج ممنوع اللحمة ممنوعة كمان هنا السمك امكن في الصيف يبقي فسيخ
تقبل مرؤري