كافتريا البنبوناب لتهديه الاعصاب

واحد عندو ولدين واحد فيهم احوص (احول) ساقهم معاهو الصيد


طاردو ليهم ارنب لمن خشت في جحر تحت شجرة

قام وقف واحد بي الجهه اليمين لي الشجرة والتاني وقفو بي الجهة الشمال

وهو وقف في النص بعاين معاهم

عاين في الولد الاحول لقاهو رافع عصاتو و يعاين فيهو عديييييييييييييييييييييييييييييييييل

قال ليه يا ولد انت بتعاين وين هسة

الولد قال ليه بعاين في الشجرة

قال ليه هسي معاينتك دي في الشجره

الولد الاحول قال ليه اي

قال ليه انت اكان الارنب جات بي عندك ما تجدعا

هههههههههههههههههههههههههههههههههههههههههههههههههههههههههههههههههههههههههههههه


امام سطل ومشى صلي بالجماعة صلاة الجمعة بعد الصلاة جوه ناس المسجد قالوا ليهو ياشيخنا في الخطبة انت قلته غزوة بدر كانت بالطائرات الميج قلنا مافي مشكلة
قلت صلاح الدين الايوبي دخل القدس بالكيماوي قلنا مافي مشكلة
لكن تقول امية باع بلال بخمسة مليون لبرشلونه دي بالغت فيها



مسطول عمل حادث بي عربيته وضرب زول ..ودار الحوار التالي بينه وبين شرطى المرور
الزول دا ضربتو بالعربية كيف
المسطول :ياخي والله اديتو بوري وولعت ليهو الانوار وشغلت الفلاشات وهو ما راضي يزح كلو كلو
البوليس للمصاب: الزول دا اداك بوري وولع الانوار مالك ما زحيت
المصاب : ياخي انا قاعد جوة دكاني ازح كيفن وامشي وين؟؟



قالو زيدان إبراهيم مشى لي ست العرقي قال ليها : أديني عرقي قالت ليه: آخر نص شالو الأمين عبدالغفار
قال ليها: الأمين يشيل الريد ويشيل ودو ويشيل النص كمان برضو
قالت ليه : أنت كمان ماشلت الجراح والابتسامة وكل حرمان اليتامى
قال ليها : طيب أنا في الليلة دي أعمل شنو؟