السودان حضارة الساحل و الصحراء

الثقافة السودانية او ثقافة الساحل والصحراء, من وجهة كثير من المفكرين انها ثقافة عربية اسلامية و قال غيرهم انها
ثقافة افرواسلامية Afro-Islamic culture و لكن
انا بشوف انها افرواسلامية لانو لو شوفنا الطريقة الصوفية في السودان بنلقاهم في بعض حلقات الذكر انهم بستخدموا الطار ( الدِف) او النوبة و هي آداة افريقية شوفتها في كينيا في قبائل الماساي و في جنوب افريقيا في قبائل الزولو, فذلك يعتبر مزج بين الافريقية و الثقافة الاسلامية في الفكر الصوفي.
بس في النهاية السودان بلد صاحب ثقافات متعددة اسلامية, افريقية, عربية,نوبية,زنجية,نيلية,,,,, و قد تكون في عادات فرعونية ايضاً.
يمثل نهر النيل الرابط الحقيقي لغالبية قبائل السودان حيث يقطن غالبية أهل السودان حوض نهر النيل الذي يمتد من أقصى الجنوب لأقصى الشمال مضيفا لمسة ثقافية خاصة لكل قبيلة يمر بأرضها. فنجد الأغاني الشعبية التي تدور حو لنهر النيل و الفيضان زي اغنية (البحر الدمير الغيرك مافي ذكرة) ، و التي تعكس جزء أساسي من الثقافة السودانية النيلية. و من اهل التقاليد في السودان, تشتهر القبائل السودانية على اختلافها بالطبيعة المحافظة و التدين العام و الذي يربط الفرد و المجتمع. ترتبط العادات و التقاليد السودانية بالمناسبات الدينية مثل شهر رمضان و ايضا بالمناسبات الاجتماعية الخاصة مثل الزواج و المآتم.

رمضان:
يبدا الاعداد لشهر رمضان في السودان قبل وقت مبكر, حيث يتم اعداد العديد من المشروبات التي لا توجد في أي بلد آخر غير السودان و هي شراب الحلو-مر و الأبريه, بالاضافة للمشروبات المعروفة في بعض الدول العربية الأخرى مثل الكركديه "العناب" و العرديب "التمرهندي". أيضا تشتهر المائدة السودانية بأكلة العصيدة التي تختلف عن أنواع العصيدة المعروفة في بلاد الخليح العربي.

الزواج:
يسمى الزواج في اللهجة السودانية بـ"العرس" بكسر العين و الكاف كما يسمي (هداي)بلغة التقري ذات الاصول العربية التي يتحدث بها عدد كبير من سكان وسط وشرق السودان, و يبدأ الاحتفال به قبل فترة طويلة, يتم فيها ما يعرف بحبس العروس التي توضع في برنامج مكثف من التغذية و عدم التعرض للشمس حتى تكون العروسه في أبها صورها في ليلة الزفاف التي تسبقها ليلة الحنة.

المآتم:
يسمى باللهجة السودانية "البكا" بكسر الباء, و هو لا يختلف كثيرا عن المآتم المتعارف عليها في أغلب الدول العربية.

و من ابرز المعالم الحركة الثقافية في السودان بدأت الحركة الثقافية الحديثة في السودان في بداية القرن العشرين, حيث بدأ الخريجيي المدارس "و كلية غردون التي أصبحت جامعة الخرطوم لاحقا" في تكوين بعض التجمعات الثقافية المتفرقة, بالتزامن مع الحركة الفنية, حيث ظهر العديدمن الشعراء و الكتاب المثقفين الذين أثروا بشكل كبير في مسيرة الثقافة السودانية.
بعد استقلال السودان في العام ١٩٥٦م بدأت الحركة الثقافية النشيطة في السودان حاصة بعد ظهور الاذاعة السودانية "هنا أمدرمان" و من ثم تلفزين السودان من أمدرمان عاصمة الثقافه و تاريخ السوداني الحديث.

و لكم شكري و تقديري.

أبي الزين

موضوع رائع

السودان بلد كبير في مساحاته وقليل الجهد المبذول من اجل تطويره .

وربما خرجت عن الموضوع قليلا ولكن الهدف واحد

قد ابتلي السودان باغتراب أبنائه عنه وهاهم يجوبون الكرة الأرضية طولا وعرضا من اجل لقمة العيش (عند اللي يسوى واللي ما يسوى )

كذلك لم يستفد من تعدديته وألوان طيفه الكثيرة كما استفادت بلاد شبيه بحالته

ولكي لا نذهب بعيدا لدينا أمثلة كثيرة ومن أهمها مشكلة دار فور التي أقامت الدنيا ولم تقعدها خاصة عندما أعطيت طابع التدويل وكثف عليها الإعلام بكل وسائله وسارعت كل المنظمات الحكومية والأهلية في الغرب والشرق لتأتي وتروج لأكذوبة الإبادة الجماعية وقسوة النظام الحاكم في السودان وقد اخذ الموضوع طابعا إنسانيا أكثر من انه سياسيا بينما قادة الحركات المتمردة يهدفون إلى خلق أرضية جديدة لتقسيم السودان وتفكيك نسيجه الاجتماعي

قد يتساءل أحدكم لماذا نجحوا بهذه الطريقة ولماذا تجاوبت معهم الشعوب الأخرى وشككت في مصداقية الحكومة السودانية أتعرفون لماذا ؟
لان كل من أتيحت لهم الفرصة لزيارة دارفور اجمعوا على أن هناك جرائم حرب وتهميش للإقليم من قبل السلطات الحاكمة في السودان

بيمنا الحقيقة هي أن كل ما شاهدوه كان من طبيعة عيش السكان وكل العشش التي كانوا يسكوننها كانت عششهم الحقيقية

واكل العصيدة وملاح الكول قد لا تعرفون

الكول وهو خليط من الروث وبعض الأعشاب اليابسة وله رائحة قوية يضاف لملاح الويكة التي روج لها الإعلام العالمي بأنها من خطة الحكومة لتجويع السكان بينما كانت وجبة أساسية من وجبات أهل السودان وشراب الموية من القربة التي عرضتها القنوات الأمريكية والصحف على أنها جريمة متعمدة من الحكومة السودانية لقتل أهل دار فور كانت من أساسيات الحياة المتعارف عليها منذ القدم في معظم مناطق البلاد.

ولو قلبنا الصورة وجاءت تلك المنظمات إلى المناطق التي نسكنها نحن أو أهلنا من حلة كوكو إلى البنبوناب البحر وأم خنجر عرب أم جحرة وعلوان أم عويد ود ابو صالح ود اللمين ود حسونة الكربة والشيخ عوض الكريم وهلم جرا ماذا ستقول سوف تطلق نفس الشعارات السخيفة وسوف تجرم الحكومة السودانية بنفس القدر مع أن هذا هو الحال في السودان منذ قرون ولم يطرأ تغير ولو طفيف على وجه الحياة

أقول كما قال سيدنا على كرم الله وجهه

ليس بلد بأحق بك من بلد وخير البلاد ما حملك ) .

ام
محمد

الاخت خديجه والابن اوبي

السودان حضارة الساحل و الصحراء Alslam8fu

معليش لم افهم الموضوع جيدا الكلأم ابتداء بالثقافة السودانية او ثقافة الساحل والصحراء وكان تعليقك عن الاغتراب والمهجرودارفور
عذرا ولكن ما عرفت عن ماذا ارد.

شكرا اخى اوبى بالفعل السودان بلد حضارات
التحية الى الخالة شكلك طولتى من السودان لانوالبنبوناب بقت زى الخرطوم
ناس البنبوناب ادخلو الكهرباء والماء والمدرسة الثانوية والمركز الصحى لم يكتمل بعد
كل هذا بمجهدهم الحكومة لم تساهم بشى ربنايسهل ويعملو الكثير

الأخ مصطفى

بإمكانك أن نرد كيفما تريد سواء اتفقت أو اختلفت مع المطروح ونحن في ساحة حوار حر من حق كل منا أن يطرح وجه نظره بصدق و بكل حرية حتى نصل أو لا نصل لنقاط التقاء .

وقضية دار فور اعتقد أنها قضية شغلت العالم بأثره وجلبت للسودان هما على همومه وادخلته في متاهات لا قبل له بها واعتقد أنكم انتم الآن تعيشون في بلاد الغرب تعرفون كيف يفكر هؤلاء

وبعدين إذا نحن ما شخصنا المرض كيف يكون العلاج يعني نكذب على أنفسنا نقول خلاص وصلنا إلى أعلى المستويات أم نقاوم هذا الواقع المرير والمقاومة ليست بالسلاح الناري فقط إنما الكلمة مرات تصنع ما لا يصعنه الصاروخ وهذا اضعف الإيمان خلينا نقاوم بالكلمة

لا تفسروا كلامي هذا بانه شتم لبلدي أو إساءة لأهلي حاشى لله أن أكون بهذا المستوى من التفكير ولكن ما يحدث من حولنا يشعرنا بالخوف مما يحدث في بلدنا

و شكرا

الابنة ماجدة

تحياتي

حبنا لقريتنا مش كرهنا ليها يخلينا نقول زلام تتطور ولازم السودان كله يطور عشان ما نشعر بالحسرة عندما نشوف بلاد الاخرين
والبركة في الشباب وطريق الاعمار لسه طويل نرجو من الله التوفيق
وحتى الخرطوم ان شاء الله تكون اجمل عاصمة وبعدين حتى لوما مشيت السودان قريب كل اولادي مشوا الان بتي ميمونة بتقرا في الجامعة في السودان وشايفة كل حاجة
انتمى لك حظا سعيدا
ام محمد

شكرا للجميع للمشاركة في موضوعي, و بالمناسبة موضوع دارفور حاليا بقى طابع من طوابع السودان يعني بقى حزء من الحضارة السودانية بالنسبة للخارج, يعني انا شايف الموضوعين بتقاطعو في طريق واحد

الاخت ام سلمي بالمناسبة لي مشاركتك انا ما بعتقد انو اكتمال التطور بيكون بي مركز صحي او مدرسة او كهرباء الحاجات تم في بلدان قبل عصر الصناعة. يعني ممكن نقول نحن في مرحلة تطوير الخدمات الاساسية لانو لسع نحن بعدين شوية من مستوي الرفاهية و انا القاعد قدامك دة معنو قاعد برة و شوفت كمية كبيرة من البلدان من اسيوية لي عربية لي اوروبية رغم الحضارات دي كلها بتمنى و بفكر انو نرجع الي السودان

بلادي ان جارت على عزيزة

تحياتي للجميع

شكر اخى ابى
موضوع رائع
السودان بلد الحضارات والثقافا ت فى الجنوب وفى الشرق وغرب وفى الوسط السودان من الحقائق التاريخية الثابتة بأن السودان من مناطق الإشعاع الحضاري في العالم، كما يوكد ثابت حسن ثابت ومدرسة الآثار الألمانية وشيخ أنتا ديوب ، بأسبقية الحضارة السودانية للحضارة المصرية ولكن مافى اهتمام من الجهات االحكومة الاستفادة من هذا الكم الهائل من الحضارات فى السياحة فى البلد
ولك ودى

الأخوه الكرام

نعم نحن في ساحه حوار حر وكل منا يكتب مايجود به خاطره ولكن يجب علينا
ان نسترسل في الموضوع الذي ذكر اولأ لكي تعم الفائده وان كانت لنا اراء فلنوظفها في
نفس الموضوع. اما عن موضوع قضيه دارفور افضل ان نفتح لها عنوان باسمها

اختلااف الراي لا يفسد للود قضيه

ولكم ودي

السلام عليك
ا لخالة ام محمد
زى ماقلت حبنا لقريتنا يخلينا مع بعض نعمل الكثير
اذا كان العاصمة لم تكتمل فيها الى الان البنا التحتية واكرار
الحكومة تعمل شنو وتخلى شنو انا كنت بتكلم عن البنبوناب بس على الاقل قبل خمسة سنين
نحنا المغتربين عنينا الكثير لمن نكون عايزين نضرب تلفون مثلا
اما عن الاخت ميمونة حفظها الله لو قالت اى شى صدقيها لا الومها لانها تربت خارج السودان
انا اتكلم عننا نحن اتمنا من كل قلبى ان تصبح البنبوناب مدينة الاحلام
لكى احترامى

الاخ ابى لك التحية

التطوير لوماكان بالصحة والتعليم فبماذا يكون
الى الان ناس البنبوناب لو واحد عايز يعمل فحص دم لازم يمشى المحس
زى مثل بقولو اهلنا فى السودان0 نمد رجلنا على قدر لحفنا 0
يعنى عايز يكون فى البنبوناب مثلا انترنت كافى ولا شوبنق سنتر
ولاملاهى والى اخر ياريت كل هذا يصبح حقيقة كلنا والله بنتمنا
نرجع نعيش فى السودان يارب يتحققلنا جميعا
شكرا

» تسلية خفيفة
» صنع في السودان!!!
» محاربو الصحراء أطاحوا بأفيال كوت ديفوار من دور الثمانية بكأس أفريقيامنتدى
» في الساحل يعترف القلب ...قصيدة من الشاعرة روضة الحاج
» الهلال يسحق هلال الساحل بخماسية في الدوري السوداني