لا تقترب من هؤلاء النسوة

موضوع: لا تقترب من هؤلاء النسوة 2009-04-02, 10:31

لا تقترب من هؤلاء النسوة

إن بقيت بخيت.. ربنا يديك.. مرا هدية ورضية.. السماحة ما ضروريلانو بعد شوية ما حتكون سمحة.. حتكون عادية.. نصيحة لك.. النسوان البقولن ليك ديل أوعكتعرس واحدة فيهن:
الفنانة.. والحنانة.. والحردانة.. المدرسة.. والمدبرسة.. والمفلسة.. النوامة.. والحوامة.. واللوامة.. البوبارة.. والكوبارة.. والخبارة.. الممحوقة.. والمطلوقة.. واللايوقة.
طيب أوريك ليه؟!الفنانةحتمرق معاها وتقعد تحوم، في الحفلات، وتشوف كرسيقدام وتقعد فيهو، شايل عكازك وسكينك في ضراعك، وعينك عليها، إن راجل بشر ساكت.. تتحنفش وتقوم إلا يهجروك اتنين على الكرسي، وتجو نص الليل راجعين أهلكم والنهار كلونايمين.
الحنانةطول النهار برا البيت، تحنن فينسوان الرجال، وهي كرعيها يكونن ما شافن حنة ليهن سنتين، والنهار كلو انت تحاحي فيالشفع ما يلمسوا الصبغة.
الحردانةديحتكرهك حياتك، أقل كلمة، تتقنع بي توبها وتجري بيت ناس أبوها، وتلحقها أنت وتلقىأبوها، تقعد في طرف العنقريب، تطقطق في اصابعيك، ومدنقر في الواطا، وداير تراضيهاترجع البيت، لكن أحسن حل لك يا تسكنو مع ناسأبوها يا تجيب ناس أبوها عندكم.. عشانتوفر المشاوير والجري.
المدرسةأول حاجة ديما بتقدر تفرق بينك وبين الطلبة، وحتقعد تعيد وتكرر في الكلام مليون مرة، زي برنامجمن الأمس الفي تلفزيون السودان، وممكن جداً تسرح وتقول لك فاهم يا شاطر؟!.
المدبرسةتلقاها طوالي زهجانة، وشايلةأخلاقها في طرف نخرتها، وأن كلكلتها ما تضحك، في النهاية حتوديك التجاني الماحي،نزيل اكتئاب.
المفلسةما دايرة أي شرحالنوامةتجي من الشغل نص النهار وزهجان، تلقاها تانيةالمخدة وخاتة ايدها تحتها، وتشخر، وريالتها سايلة، وحالتها بالبلا، وتكره اليومالفكرت أنت فيهو في التكاثر.
الحوامةطولاليوم فوق كرعيها، في الحلة من بيت لبيت، وتدخل البيت قبل ما انت تجي من الشغل بخمسدقائق، وتجري تولع النار، وتطبخ لك القطر قام، وأول ما ينتهي الغدا تدخل في سفنجتهااستعداداً لرحلة جديدة.
اللوامةدا نوعمزعج جداً، لو جبت سيرة أخوك ساكت تفتح فيهو، الله يسألني سنتنا ديك وقت انت خليتنابلا قروش وسافرت، يدخل ويمرق علينا مدلدل ايديهو، كيس موز ساكت ما بيجي شايلو، ولوجبت سيرة أمك هي والله امك دي اصلها ما بتريدني، من تشوفني تزعل والنيران تنطلقفيها، وتمد قدومها ووليداتي ديل السلام يا الله ويا أمين تسلم عليهم.
البوبارةدي تحملك فوق طاقتك تشريك الما بينشري، وجبتناس في البيت، تجري على علبة الدهب وتتعنكش كلها من رأسها لكرعيها، وتقعد تنضمبايديها وكرعيها ورقبتها واضنيها، عشان توري الدهب.
الكوبارةدي تكبر أي موضوع، وتسوي ليهو توم وشمار،وتقول لك ناس القبور دقو الطنبور، لو شافع من شفعك عتر ووقع، تصرخ وتخت ايديها فينص رأسها، وبطول حسها ووووووووووووب علي ووووووووووب علي، ماااااااااات.. ماااااااااااات، يسمعوها في الشارع، والغريبة لو أنت كنت نايم وسمعتها، تقوممخلوع، وتمرق من الأوضة لحدي نص الصالة، أما لو كان عندك قلب مرضان اللحظة ديك منالمهد إلى اللحد.
الخبارةالبي تدورالاخبار.. لو في نضم تلقاها سكتت الشفع، ونهرتهم عشان تسمع، الجيران مالهم بيهرجووصوتهم عالي، ولو كنت بتكوي ليك في هدوم قطع شك قميص.. والا جلابية حيكون في عدادضحايا الحريق، وممكن الملاح يحرق وممكن الجردل يكون في الماسورة يتملي والبيت يغرقمن الفيضان، وحرمكم المصون واقفة فاتحة خشمها وتتصنت للجيران.
الممحوقةدي إن جبت دكان كامل وختيتو لها في البيتتكملوا في يومين، تصوطو كلو فوق تحت، لكن ممكن توديها لأصحابك الزعلان منهم لوعندهم مناسبة تطبخ لهم عشان لما المناسبة تنتهي يشحدو وانت تنبسط.
المطلوقةواضحة وضوح الشمساللايوقةدي حكاية تانية.. تمسك في موضوع يحلك منوالجليل الرحيم.. يا .. دا.. هوي يا دا.. الليلة يا يمة.. طرشت؟!، وقدر ما تطنش هيمصرة، وممكن تجي جنبك وتخجك خجة جامدة عشان تنتبه.. للنقة.

موضوع: رد: لا تقترب من هؤلاء النسوة 2009-04-02, 11:18

تسلم يا قلب ويديك العافيه وسلمت يداك
ونسال الله ان يرزقنا بى البنت الهديه ورضيه
والمطيعه لزوجها وفى انتظار ابداعاتك

موضوع: رد: لا تقترب من هؤلاء النسوة 2009-04-04, 07:56

كيارى

احمد ربك البورد مافيهو نسوان كتار

كان اسى تفتش فى البتحلك

Laughing

بس بينى وبينك

البوبارة والخبارة ديل كوم براهم

واللايوقة كوم تانى

Laughing

حمانا الله

تسلم

تحياتى

موضوع: رد: لا تقترب من هؤلاء النسوة 2009-04-04, 08:50

تسلم اخى المسلمى عشان انا
عارف البورتات فاضيه عشان كدا
بتفاصح
ههههههههههههههههههههههههههههههههههههههههه

موضوع: رد: لا تقترب من هؤلاء النسوة 2009-04-04, 12:06

كيارى كتب:: تسلم اخى المسلمى عشان انا
عارف البورتات فاضيه عشان كدا
بتفاصح
ههههههههههههههههههههههههههههههههههههههههه

قلت لى لقيت الهوى وضريت العيش Laughing

ماتنوم فى مأمن انا شامى ريحة تحزب خلف الكواليس

Laughing

موضوع: رد: لا تقترب من هؤلاء النسوة 2009-04-04, 12:18

هههههههههههههههههههههههههههههه
لو كدا نعمل حسابنا
من هنا ولى قدام Laughing

لك منى كل الحب والتقدير

موضوع: رد: لا تقترب من هؤلاء النسوة 2009-04-08, 18:56

فعلا لقيتو الهوا وضريتو عيشكم بس عيوب الدنيا كلها في المرا المسكينة
الله يكون في عونها

والله لو قعدنا نعددفي بلاوي الرجال ما خلصنا

اقيفوا ان شاء الله افضى ليكم

موضوع: رد: لا تقترب من هؤلاء النسوة 2009-04-09, 00:30

ود كالو

هاك اجمل ماقيل عن المرأة

"أغبى امرأة تستطيع أن تخدع أذكى رجل"

"المرأة قد تصفح عن الخيانة ولكنها لا تنساها"

"قلب المرأة لؤلؤة تحتاج إلى صياد ماهر"

وأتذكر هنا قول سقراط: "عبقرية المرأة تكمن في قلبها"

المرأة لم تخلق لتكون محط إعجاب الرجال جميعاً بل لتكون مصدراً لسعادة رجل واحد

المرأة الفاضلة تلهمك..والذكية تثير إهتمامك والجميلة تجذبك..والرقيقة تفوز بك

موضوع: رد: لا تقترب من هؤلاء النسوة 2009-04-09, 00:34

لو جردنا المرأة من كل شيء لكفاها شرف الأمومة

تظل المرأة في سن العشرين..حتى آخر لحظة من حياتها

ستظل المرأة لغزاًمجهولاً ..في الوقت الذي يعتقد الرجل أنه قادر على حله

موضوع: رد: لا تقترب من هؤلاء النسوة 2009-04-09, 00:36

واخيراً

اذكري أيتها المرأةأن جمالك حر طليق إلا من قيدين

كلاهما أجمل من الآخر...العفاف..... والشرف

موضوع: الأم مدْرسة 2009-04-21, 07:00

تحياتى للجميع

الاخ الكيارى والاخ المسلمى والاخت خديجه حسان و ميدو الحاج وآخرين...

أولاً: اشكركم على المرور

ثانياً: ارجو مراعات مواضيع المنتدى ......

من وجهة نظرى ان اى موضوع يكتب فى أى منتدى فرعى يحمل عنوان المنتدى الفرعى قبل عنوان الموضوع!!

فالمنتدى الاسلامى للمواضيع الدينيه، والتهانى للتهانى، الحوار العام لإثراء النقاش فى الموضوع المطروع .... وهكذا .. الى منتدى التسليه والفكاهة وهو لـلضحك فقط تضحك وبس (لا تحمل الكلامات معانيها) ..

أما الكلام عن المرأه يطول ويحتاج الى موقع كامل، لان المرأة هى:

· (الحبوبه) متى ماذكرت ذكرت التربيه (مربْى حبوبات)

· الأم وما أدراكما الأم (الجنه تحت أقدام المهات) ..(احق الناس بصحبتى، قال عليه الصلاة والسلام : أمك، قال ثم من قال أمك ......) الآيات والاحاديث كثيره والكل يعلم ذلك.

· الخاله والعمه

· الاخت

· الإبنه

· المرضعه والمربيه

· المعلمه .... الخ

الكلام يطول عنهن ،

ولا اقول لهن العتبى ولكن اقول للضحك فقط .... ليس هذا من بنات افكارى إنما اضحكنى فأردت ن أجمع قهقهاتكم ..

Laughing

ههه

ههههه

هههههههههه Laughing

موضوع: رد 2009-04-21, 15:14

يامحمد .. إنت لسا في أولو ,,

الجرسه ليك شنو ,,,

» الزواج عند هؤلاء
» اذا كنت تشعر بانك غير سعيد انظر الى هؤلاء
» ما هكذا تورد الابل يا هؤلاء رفقآ بالمنتدى