ان شاء القيامه تقوم

ان شاءالله القيامه تقوم :.
اصل القصه ان هنالك رميل للشاعر حسن الزبير يحبي زميلة فاراد ان يتزوجها فحكي ذلك للشاعر حسن الزبير فقال له انا حاكلما لك فقالت ما دايراه فلما جاءه في اليوم الثاني فساله قالت شنوا قال دائرا ود عمها وما بخليها قال ليهو يعني ما حا تعرسي قال ليهو ايوا فقام ضرب التربيزه وشتت الورق وقال ان شاء الله القيامه تقوم وفات فكتب الشاعر حسن هذه القصيده ووضعها علي التربيزه ((ان شاءالله القيامه تقوم عشان ريدك معاي مايدوم ¤ ناس سهرانا طوالي وناس طول الليالي تنوم ¤ اشوف انا كيف حسابك يطول علي الوعد الدوام ممطول ¤ وانا الشائف كتير احباب يعيشوا الريده عرض وطول ¤انا الشائل دوام همك ¤ واريدك ريده زي امك ¤ ان شاء القيامه تقوم عشان كل زول يمشي في حالوا ¤ عشان ماقلبي يرجع يقول حبيب الدنيا في بالو¤))
فجاء يوم د: احمد شادول فوجد القصيده فحكي له القصه فلم يصدقه وقال له هذه حصلت لك انت وليس صديقك
فردا شادول:
((ان شاء الحساده تطير وتمتد السعاده تدوم ¤ والضاق العذاب في الريد بكره يعيش ويشبع نوم ¤ وتقول القيامه تقوم ؟ ¤ عشان حظك شقي ومشؤم ¤ وفتحن ليك بنات حواء وجافاك ليله واحده النوم ¤ بتقول القيامه قاتقوم ¤
انحنا لاعرفنا الريد ¤ ولازيك عشقنا العيد ¤ وحبينا القريب وبعيد ¤وراجعنا القديم وجديد ¤ ولاضمانا حضن الليل مع الوجه البهي وغريد ¤ ولا لليل شكينا جبيب اذا حتي العشقنا عنيد ¤ ولا نظمنا في الحلوات غنا ¤ لا الصابر ولا الباكي ¤ خيالك عندي يوماتي ¤صباح خيري ومساء افراحي ¤اعد ميعادو بالحظات وسهري معاه صباحي ¤ عيونك فوق عيونوا تنوم وفوق آلآمي ترتاحي ¤ وريدك من عواتي الريح ¤الموا واضم عليه جناحي ¤ وتقول القيامه تقوم ؟
انحنا من السعاده نسير ¤ مواكب فرحه هادره هدير ¤نحيا نحب وتعيش وتغير ¤ ونعلن ثورة التغيير ¤ ناكل حب . نشرب حب . ونلبس حب ونفرحه بالمحبه نطير ¤ نعيش الريده عرض وطول ¤كبيرنا ملك صغيرنا امير ¤ ونسمع صوت هتافات ان اشاء الله الحساده تتطير¤ وتكبر وتنسي يازعبير ¤))
رد حسن الزبير :
((ان شاء القيامه تقوم وعشمي في الله ما شويه ¤ ادخل جنة المأوي وهناك يدوني حوريه ¤اتكي في الارائك انوم بكل حبور وحريه ¤ وارتاح من دا مافي وقوم امشي جيب ليه وجيب ليا ¤افارق جنة المعدوم والقي مطالبي بالنيه ¤ ولو حنيت للحم الطير تجيني الطيره مشويه ¤ عشانك كيه يادكتور تكون حوريتي خمريه ¤ تجرجر ديسا ده المردوم ولهجه خالصه عربيه ¤اخلي ليك بنات حواء تحاحي صباح وعصريه ¤وتبقي عواطلي يادكتور هناك لامرضه لاشكيه ¤هناك لا اذن سمعت ولا بعيونا مرئيه ¤ هناك حتي الرحيق مختوم وولدان طائفه دوريه ¤ لاعشوائي في الخرطوم لاصفقات تجاريه ¤ صفي النيه يامهجوم بلاش هجمات هبوبيه ¤وان شاء الله القيامه تقوم وتنجح ميه في الميه ¤))
رد شادول :
((مامقبول اعزارك ومامعروف مصيرك وين ¤ ووينا صالح اعمالك عشان يدوك حور عين ¤ لو انت علي الصراط ماشي وشركو ليك ببنيه ¤ تختل كل حساباتك وحا تحتل حتله بديه ¤ اما لو ضرب حظك وجابو ليك بنات الحور تموت واقف علي طول ¤ ويشلك حيلك المشلول ¤ وتتلفت يمين وشمال مشدود بالجمال مبهور ¤وتحتار باقي عقلك طارفيمن يهوي او يختار ¤ ديك قواما سمهر وطول ¤وديك دعج العيون مكحول ¤ وديك جمالا يسبي عقول ¤وديك من فيها حلو القول ¤ ودييييييك خليها لي شادول ¤ وديك شعرا خلي قدر مايذيد نعومه وطول ¤عذابنا وليلنا فيه يطول ¤وديك خشيمه ينقط كلام معسول ¤تقيف مشدود وتفوت القيامه عليك واقف انت تتلفت طرب وزهول ¤ حسن دنياك للذي ديل يا صاحبي هم دنياك : يودنك يجيبنك ¤يختنك يشيلنك ¤يجلبنك ويبيعنك ¤ يغسلنك ويشرنك ¤ يدفننك ويكتلنك ¤يقيدو النار يشدنك ¤ويبرن عودك المسلول ويحرقنك ¤ تقوم انت ويزيد دنك ¤ وتغني الدنيا بي فنك ¤ دا حال الدنيا ما بتدوم ¤ مره تلام ومره تلوم ¤ويوم تتعب ¤ مره تحب وتشبع حب ¤ ومره تحب وماتنحب ¤ احسن خليهم السمعوك وارجع لحلو كلامك ¤ معقوله القيامه تقوم قبل ما تلقي احلامك)) شكرا@