امتحان جديد خاص للزملاء الهلالاب ( نادي الحكام )

* وضعت هيئة امتحانات الزعيم امتحاناً جديداً لطلاب مدرسة كليتشي الإعدادية وجاء على النحو التالي:
السؤال الاول
* مادة اللغة العربية.. السؤال الأول: (لا تحسبوا رقصي بينكم طرباً.. فالطير يرقص مذبوحاً من الألم) وضّح كيف رقص الطير مذبوحاً من الألم عقب مسمار ليلة ختام الدوري الموجه؟
السؤال الثاني: مستعينا بالكلتشة، أقصد المنقلة، حدد اتجاه سقوط المعز قبل اصطدام الكره بحيطة الجالوص، وقس زاوية سقوطه لحظة تسديد المسمار الحار!
* السؤال الثالث: ضع علامة نجمة أمام الإجابة الصحيحة: أسباب وفاة مهلهل في ليلة ختام الدوري الموجه هي: 1/ لفة رأس 2/ صعقة ماس 3/ نقص الكاش!
مادة الجغرافيا.. السؤال الأول: تتوافر الكلتشة والورغنة بكثرة في : 1/ نيجيريا 2/ حوض مازيمبي 3/ جناين الهلال؟
يصب نهر الأحزان في: 1/ حوض الكنغو 2/ المقبرة 3/ العرضة شمال؟
آخر مسرحية رياضية بعنوان: 2/ كشة كليتشي 2/ البطل المغشوش 2/ الهلال المرشوش!

* مع أميناتنا لجميع طلاب مدرسة كليتشي الخاصة بمواصلة الفشل الذريع والسقوط المريع!
اخر خبر
هلالابي متصل ببرنامج (بحث عن هدف): أولادنا بيتبهدلوا في إستاد الخرطوم.. حصلونا بسرعة.. اللي بيحصل ده مش معؤوول.. نحن في مطب وحش.. أمن الملاعب سابنا وجري.. المريخاب الوحوش بيضربونا بالكلتشات.. وقمهورهم بيحدفنا بمسامير نيجيرية.. لازم نسحب سفيرنا عزيز برقاس منهم.. نحن بنمووووت.. صحوا الأرباب!

موضوع: رد 2009-12-06, 13:09

مشكور على المناكفة
حقيقة الامتحان ناقص بعض الاسئلة يا أستاذ محمد الامين
لذلك ارجو ان تأجل الامتحان الى ما بعد كأس السودان
حتى تكتمل الأسئلة ويكونو جاهزين للاجابه عليها..

تقبل تحياتي و مروري

الاخ محمد الامين
لابد من إعادة تأهيل اغالبية كتاب الصحافة الرياضية ...
ومنهم الصحفى مزمل ابوالقاسم
وكماقال الاخ عبد الرحيم يجب تأجل الامتحان الى ما بعد كأس السودان
وحتى الهدف مدرسة كليتشي جاء بمساعدة لاعب الهلال اسامة التعاون
تقبل تحياتي و مروري

والله يا الوصيفاب اقصد المريخاب حيرتونا معاكم ودة كلو بسبب هدف واحد ومال يالرشيد لو شلتو الدورى الممتاز كنتو غيرتو المقرر الدراسى ولا شنو ههههههههههههههههههههههه
اخير تسمع كلام عبدالرحيم عشان تاجل فترحتك الماظن تتم فى كاس السودان غايتو البركة فى هدف كلتشى الفرحكم شوية السنة دى مرقتو ملوص سيكافا والممتاز وبطولة افريقيا ابو نقطة واخيرا ولست اخرا كاس السودان بطولتكم المحببة

موضوع: رد. 2009-12-06, 17:21

ردك يا خالد العبيد كان كله هدربه مرة تقول كاس السودان فرحتكم ما أظن تتم فيه
ومرة تقول كاس السودان بطولتكم المحببة ومرة غلطة إملائية (فترحتك)..
ده كله بسبب الهداف الوآآآآآآآآآحد ده..
وبعدين انا طلبة تأجيل الاسئلة علشان نزيد الاسئلة وانت عارف قصدي في الزيادة
اما بالنسبة للهدف .
الهدف ده عمل فيكم عمائل اولاً انت ليك كم يوم ما ظهرت على المنتداء
و شوف البهدله السواها فيكم وفي صلاح ادريس يشاكل زي المجنون في الحكم والمراغب
المفروض يشكر الحكم والمراغب في حالة اسامة التعاون كانت تستحق الطرد..

حتي استاذ احمد بابكر رده كان ركيك رقم هلاليته البسيطة
يا استاذ احمد نحن مشكلتنا ما في مزمل و أمثاله
نحن مشكلتنا في ثقافة اللاعب السوداني و ثقافة الاداري السودانى اتنمني ان ترتقي للأمثل..

في النهاية لازال التخلف موجود وثقافة اللاعب السوداني معدومة كنا نمني انفسنا
بمشاهدة مبارة قمة في كل شئ كما يحصل في بقية الدول ولكن للأسف..

صدقني يا استاذ احمد و خالد السطور أعلاه مناكفه فقط نتصبر بها في هذه القربة الصعبة جداًً ارجو المعذرة..

و أتمني التقدم للمريخ والهلال وللكرة السودانية

وفي الختام

تقبلو تحيات محبكم في الله
عبد الرحيم فضل الله

مشكورين كتير الاخوة الاعزاء على مروركم

انا اتفق معك اخي عبد الرحيم في تأجيل الامتحان وزي ماقال اخ خالد كاس السودان بطولة الزعيم المحبوبة

وبعدين انتو زعلانين ليه في هدف كلتشي ده هو اسامة التعاون ده الشلاقة ليهو شنوا مايقيف في مكانة ولاعشان

كلتشي ضرب عصفورين بي كلتش .

المهم حابي اهني كل الاخوة الزملاء في المنتدي الهلالاب بالبطولة والاخوة الصفوة بالنصر وزي ماذكر اخونا

عبد الرحيم انو مشكلتنا في ثقافة اللاعب والاداري السوداني وانو الدوري السوداني له متابعين من جميع انحاء

العالم العربي ويعكس وجه الرياضة في السودان ونتمني لفريقان القمة مزيد من التطور والنماء لانهما يمثلان

السودان في المحافل الخارجية .

وبقول لي اخ خالد العبيد ( حبينا نهز الورد شوية علشان نشم رائحتة )

مع تحياتي
اخوكم / الرشيد محمد الامين بلل

الاخ عبد الرحيم
نعم نحن مشكلتنا فى الاعلام وفى ثقافة اللاعب السودانى والاداري والحكام والله يكون فى العون .
وثانى اسامة التعاون يستحق الطرد وكمان اكرام الهادى وكلتشى اخذ كرتين فى المبارة ارجع واحضر المبارة تانى
ولك احترامى

» مبروك للهلال ولاخواننا الهلالاب
» مبروك نادي النصر
» ازدان مسرح نادي النصر بليلة ثقافية رائعة
» عامل مطبعة بسنار يسرب امتحان الشهادة لعشيقته ثم المدينة
» عضو جديد