مشكلة موية قرية البنبوناب

مازالت مشكلة الموية في القرية قائمه والجان الشعبيه غير قادره على حلها والسبب هو انو بعض الناس ماعائزة تدفعحق المويه عائزه تشرب ببلاش يعني ورؤؤساء الجان ماعندهم حل غير انهم يقطعو المويه من القريه وهل تعتقدون معي انو الحل المناسب وما رائكم ان نقترح بعض الحلول ونشوف انسب حل لهذه المشكلة دون ان نقطع المويه من الذين سددو رسمهم

فيا أخي البنبوناب كلها مشاكل المشكلة ما في الموية مع إنها أهم حاجة في فترة من الفترات كانت الموية قاطعة أكثر من اسبوعين والناس رجعو إلى العصر الحجري ناس تنشل من العد وناس تجيب الموية بالحمير وكذلك الكهرابا يقول ليك الكهرباء في الفريق ده الليلة ضعيفة وفي الفريق الثاني شغالة كويس. والكلام ده أنا شاهدت منذ أكثر من ثلاث سنوات وحتى قبل شهرين تقريباً والمدارس نتائج مخيبة للآمال والصحة مازلنا نجري الفحوصات في المحس الناس الحولينا كلهم تقدمو إلا ناس البنبوناب لم تظهر لهم أي علامة من علامات .

نرجع للموية زي ما قال الأخ أحمد الطيارة المفروض تسلم للهيئة القومية للمياه وهي مسؤولة من توفير الموية للمواطن مقابل مبلغ شهري لها موظفين يتحصلون على المبلغ .ولها حلول للمتماطلين عن الدفع لكن يا أحمد ناس الحلة (عشرة ألف جنيه ) ما قادرين يدفعوها في الشهر فكيف يدفعوا ( مبلغ خمسة عشر ألف جنيه ) للهيئة القومية للمياه.؟؟؟.
وسبق أن طرح هذا الموضع للجنة بأن تسلم الموية للهيئة لكن اللجنة مصرة على إبقائها على هذا الحال والسبب ما معرووووووووف.

الاقتراح ( حل اللجنة وتكوين لجنة جديدة قادرة على العطاء )

الله يكون في عونا جميعاً