قصص قصيره ... حكاوي .... مقالات

موضوع: قصص قصيره ... حكاوي .... مقالات 2009-10-09, 07:33

هي فكره بتاعت مقالات وقصص قصيره و خواطر حسب ما يكبته القلم
نبدا بي اول واحده

الجبهة الدمقراطية المتحده

شوف يا ابو الزمل لازم تلقي لي حل للجبهة الدمقراطية لامتحده مع جماعة النزعات المسلحة دي

بهذا الكلام بادرني صديقي ود القصير وهو منزعج جدا , في البدء كنت احسب ان صديقي ود القصير يمزح

ويتمسخر علي الجبهة اياها , رغم علمي المسبق ان صديقي ود القصير لا يعرف في السياسة كوعو من بوعو

ولكنه كرر لي نفس الكلام مره اخري وإنزعاج اكبر وبسؤال صريح اها عندك حل يا ابو الافكار ؟؟؟؟؟؟؟؟؟؟؟؟؟؟؟؟؟؟

قالها بسخرية يعرفها جيدا

- يا ود القصير كدي استهداء بالله ووريني القصة شنو خليني افهم حاجة

* انت عارف يا ابو الزمل انا عمري لسة ما حصل الخمسة وعشرين سنه

- ايوه بعرف

* خاطبني بلهجة حاده ما تقاطعني

- كويس واصل

* وانت بتعرف انو انا من قمت قمت علي الشقاوه , من الصباح اقوم واقع لحدي المساء اجي اتخمد انوم

- اها المشكلة شنو يا ود القصير ودا علاقتو شنو بالكلام القلتو داك

* ياخ انا ما قلت ليك ما تقاطعني شفقتك دي اصلو ما بتخليها اصبر ياخ انا جاييك في الكلام

- صبرت كمل

* اها يا ابو الزمل يوم امس جيت ماري بي محل في السوق العربي مركبين ليهو قزاز نوع اراك ولا تراني

بتعرفو ؟؟؟؟؟؟؟؟؟؟؟؟؟ بس يا هو زاتو ,, بس اشوف ليك زول يشبهني ليك شبه شديد خلاص لمن شككني في روحي

بس هو جوه القزاز وانا بره والفرق الوحيد بينا انو الزول داك عندو صلعة وليهو جلحات باديات من فوق لي الحواجب

ومايلات علي الاضنين وماشات علي عدلن

اها بعد دققت شديد لقيت الجوه الصوره داك ياهو انا زاتي

* تصدق يا ابو الزمل انا هسة مواجه بين تلاتة قوي متحده ضدي

اول حاجة صلعة متمركزه في الوسط وزاحفة في كل الاتجاهات وجبهة زاحة من الامام الي الخلف ونزعات قادمة من الاطراف

عليك الله هسي ديل يصرفو معاهن كيف

- شابكني جبهة متحده و نزعات مسلحة هسي مشكلتك دي كلها مع الصلعة

** شوف يا ابو الزمل انا مشكلتي مافي الصلعة انا مشكلتي لمن بعدين اعرس يختو لي الضريره وين قصص قصيره ... حكاوي .... مقالات Icon_lol

» قصه قصيره ولكنها بحر من الحكم