جيناكم بمدرسة برازلية جديدة

فى عام 2007 عندما هزم الهلال المريخ فى ختام الممتاز من داخل استاد الحكومه بعد هذه المباراة وجه المفتون بحب الهلال السيد جمال الوالى كل المدربين الذين تعاقبو على تدريب الفرقه الحمراء بان (يلعبو زى الهلال) ليش لا وهذه العقدة متأصله فى اى مريخابى رضو ام ابو . لذلك شخصيا لم استغرب ان يسيرو فى درب الهلال فى استجلاب مدرب برازيلى ليدرب المريخ على طريقة الهلال . فيا اخى السحر ليس فى المدرسة البرازيليه وحسب انما فى الهلال وكفى . فإن كنتم تتمنون ان يكون فريقكم مثل الهلال فغيرو الشعار عسى ولعل . اصلكم متعودين تغير مش قبل كدا غيرتو الاسم المانع شنو تغيرو الشعار احتمال تصبحو زى الهلال .والا اقول ليكم غيرو الاعلام بتاعكم دا والله هو السبب . احتمال من اللاعبين غيروهم مالو برضو احتمال .وكمان مع دا كلو نحن خليناكم تسجلو اولادنا عشان تكونو زى الهلال قمتو قعتو اولادنا فى الكنبه ماعارف ليش .نحن بنحاول نساعدكم انتو ماراضين نعمل ليكم شنو . زى حكاية جو يساعدو فى دفن ابوه دس المحافير والله المثل بنطبق عليكم بشكل .المهم انشاء الله السنة نحن دى نشيل كاس الابطال دا وبعد داك نتفرق ليكم .انت بس قلدونا فى اى شى عسى ولعل تكون ابطال .انتو جيتو الابطال السنة دى ضهب ماصدقتو وفى النهايه عرفتو الحاصل .زى البرلوم فى الجامعه يعمل فيها سينير لمن يبرلموه والغريبه بكون مامقتنع انو اتبرلم نهائ زيكم كدا سبحان الله .قلت المدرب اسمو منو كاربونى بالله الاسم فوتو كوبى كربون وكدا . انشاء الله تصبرو عليهو بس ماتطفشوه فى بداية الموسم الجديد . متعودين ياخوى المسلمى انت حسبت كم مدرب قبل ماتجيب سيرة مدربك الكربونى دا. عالم تحب تغالط بس. اتوتفيستر سمسار .كروجر كج ومابسمع الكلام . ورادان بالبس البنفسج وفاكيها فى روحو . مشكله هو ذاتو مشكلة مش .yes.ومازدا *333* والقاسم المشترك (ابراهومة) غايتو .......؟؟؟. الكلام دا ما قلت انا قالوا اعلامكم السالب دا . مع خالص التمنيات للهلال بالحصول على الكاس الافريقية بإذن واحد احد قولوا آآآآميييييين بس وخلو الحسد بتاعكم دا.