..........................
الرئيس الهندي سمع انو الغبي في السودان بيقولو ليهو انت هندي قام جا السودان لما قابل مدير الشرطة قال ليهو تاني لما واحد يقول للتاني انت هندي غرمو مليون قام مدير الشرطة قال ليهو: كيف نغرم الناس مليون ساى كده انت هندي ولا شنو؟ ...............
...................................
ضابط مخدرات عندو بغبغاءيوم رجع البيت و معاهو بنقو دخل استحمى و لما طلع لقا البنقو ناقص قام سال البغبغاء و قال ليها وين باقي البنقو قالت ليه والله ما شلتو قام شالها و حبسها في قفص الجداد، ولسوء حظها كان في القفص في ديك معذب الجداد جنس عذاب واول ما شافها عجبتو البغبغانا و مشا عليها اول ما قرب و شافتو بعاين ليها عين ما تمام قالت ليهو : هوي احترم نفسك انا جايه هنا بمخدرات ما آداب
............................
واحد عميان عرس واحده دايرة تتعلقن عليه قالت ليهو : كنت بتمنى انك بتشوف عشان تشوف جمالى وتشوف انى حلوة كيف قال ليها : لو كنتى حلوة زى ما بتقولى المفتحين ما كان سابوك لى
مسطول رجع البيت لقى الحيطة وقعت قعد يفكر قالو ليهو مالك قال هسه انا اتلب بي وين
............................
مسطول مش لصحبو ولقاهو مشغل التلفزيون وفيهو ناس بيكوركو قام قال ليهو ديل مالم قالى دى معركة بدر والمسلمين فازو على الكفار قام مرق منو جا جنب استاد الهلال لقا الناس بيكوركو قال ليهم دا شنو قالو ليهو الهلال غلب المريخ قال يعنى حسا الهلال حيلعب مع المسلمين فى الكاس
,,,,,,,,,,,,,,,,,
بايرة سألوها أجمل أغنية سودانية شنو؟ قالت ليهم شباب العزة يتقدم
عسكرى مسك اتنين مساطيل قال ليهم اليله ح اوديكم مكان عمركم ما شوفتوهو قام المسطول قال لي صحبو دا مودينا المسجد ولا شنو؟؟!1
طالبات بورسودان طلعوا مظاهرة ,البوليس أعتقل مجموعة من البنات وركبوهم عربية الشرطة.
أدروب لقى الكومر واقف ومليان بنات حلوات وكل واحدة احلى من التانية
ادروب داير ينضم للمجموعة المعتقلة بأى طريقة , وبدأ يهتف :
"عاش الحزب الشيوعى السودانى ..تسقط الانقاذ ..عاش بوش.. عاش نضال الطبقة العاملة"
الأمباشى مشلخ شايقى , واقف جنب الكومر , عاين لأدروب وقالو :
"يا زول أمشى من هنا .. والله كان بقيت لينين زاتو .. ما حتركب
آبو الشيخ
الرئيسية 
أحدث الصور 
التسجيل 
دخول 
2009-09-09, 06:25
