بدء إنتاج الخبز من الدقيق المخلوط

تناولت وسائل الإعلام السودانية موضوع بدأ إنتاج الخبز من الدقيق المخلوط وهو عبارة عن خلط دقيق القمح بدقيق الذرة المحلية حيث أشير بأن المشروع سوف يوفر مبلغ 50 مليون سنوياً على ولاية الخرطوم فقط.

الخرطوم (smc)الصحافة

دشن وزير الدولة بوزارة العلوم والتكنولوجيا الدكتور عيسي بشري، بمركز بحوث تصنيع الاغذية بشمبات أمس، مشروع انتاج الخبز من الدقيق المخلوط علي نطاق تجاري بولاية الخرطوم، وذلك بحضور الدكتور عبد الجبار حسين الامين العام لمشروع النهضة الزراعية، ورؤساء القطاعات ومديري الهيئات البحثية التابعة للوزارة.
وقالت بروفسير الرخاء بشير بابكر ،مدير المركز، ان تقانة الخبز المخلوط تتراوح بين 15-20% من دقيق الذرة مع القمح ،موضحة ان التجارب الاولية اثبتت احتواءها علي ذات القيمة الغذائية للخبز التقليدي. وكشفت الرخاء، ان الخبز المخلوط سيوفر حوالي 50 مليون دولار من فاتورة استهلاك القمح علي مستوي ولاية الخرطوم فقط سنويا، بجانب دورها في تشجيع الانتاج الزراعي المحلي نوعاً وكماً، وتحسين وتأمين الموقف المالي للمزارعين والمنتجين، والمساهمة في خفض فاتورة القمح من العملات الصعبة التي تفوق الـ 400 مليون دولار سنويا بنسبة تجاوز الـ 15% .
واشارت بروفسير الرخاء الى تحديد اصناف الذرة والقمح المناسبة للتصنيع من خلال تحليل شامل للخواص الفيزيائية والكميائية، وتحديد النسب المثلي لانتاج الخبز من الدقيق المخلوط

و الله فكرة عبقرية و جميلة جداً كونوا يخلطوا الرغيف بالكسرة ، ودي حتوفر فعلاً على الكتير من الناس ، بالذات الناس اللي بتحب يكون على مائدتها رغيف و كسرة ، بدل الواحد يمشي المخبز يجيب رغيف و ام العيال تقوم تنشوي بالنار عشان العواسة ، يمشوا المخبز مرة واحدة يجيبو كسرة و رغيف من مكان واحد و في كيس واحد كمان ،، يا سلاااااام على الفكرة الجميلة.

بس لازم يشوفوا طريقة يخلطوا بيها ا م رقيقة مع الفول و اللا ملاح الورق مع الطعمية مثلاً ، عشان الامور تكون اسهل
حظها حواء السودانية ، الله ريحها

JAMASI كتب:: و الله فكرة عبقرية و جميلة جداً كونوا يخلطوا الرغيف بالكسرة ، ودي حتوفر فعلاً على الكتير من الناس ، بالذات الناس اللي بتحب يكون على مائدتها رغيف و كسرة ، بدل الواحد يمشي المخبز يجيب رغيف و ام العيال تقوم تنشوي بالنار عشان العواسة ، يمشوا المخبز مرة واحدة يجيبو كسرة و رغيف من مكان واحد و في كيس واحد كمان ،، يا سلاااااام على الفكرة الجميلة.

بس لازم يشوفوا طريقة يخلطوا بيها ا م رقيقة مع الفول و اللا ملاح الورق مع الطعمية مثلاً ، عشان الامور تكون اسهل
حظها حواء السودانية ، الله ريحها

قلت لى من النوع ابو اتنين فى واحد

بس ياجمصى هنالك بعض الانتقادات لهذة الفكرة تتمحور فى القيمة الغذائية لهذا المنتج

[/quote]

قلت لى من النوع ابو اتنين فى واحد

بس ياجمصى هنالك بعض الانتقادات لهذة الفكرة تتمحور فى القيمة الغذائية لهذا المنتج

[/quote]

يا خوي منو الشغال بالقيمة الغذائية عندنا في السودان ، 90% من الشعب السوداني عايز يشبع بس ، و مافي واحد بفكر في مدى القيمة الغذائية لما يأكل ، بالله حصل لاقاك واحد سأل نفسو : كم سعرة حرارية تحتوي هذه الوجبة أو تلك ؟ أو واحد مهتم بتناول غذاء من مصادر متنوعة حتى يحصل على ما يحتاجه جسمه من عناصر غذائية ؟

مشكور الاخ المسلمى على الخبر الجميل والاقتصادى وان شاء الله الفائدة تعم على الجميع ويكون المواطن هو المستفيد الاول قلت لى يالجمصى اشوفو طريقه للفول وام رقيقه الحكايه شنو انت عايز الحياة كلها تبقى خلط فى خلط ولا شنو

اعتقد بي النسبه للتوفير فهي فكره رائعه لكن ياتري طعم الخبز حايكون جميل والناس حا تتعود عليه لان انا مع العم الجمصي في انو الاغلبيه بهمها الاكل يكون طعمو حلو بغض النظر عن القيمه الغذائيه الموجوده فيه

اللخبتة سمحة

يا جماعة الشعب ما عندو مشكلة في اللخبتة دي لكن أهم حاجة تكون نسبة الفتريتة متساوية مع القمح عشان ما يكون في فرق في الطعم وأهم حاجة تكون في مراقبة للنسبة لأنو في ناس بعد شوية بنقصو القمح وبزيدو الفتريريته ويطلع لينا الموضوع كسسسسسسسسسسسسسسسسسسسسسسرى ســـــــــــــــــــاي

الحبايب الكرام

اسعد الله صباحكم ومساؤكم بالف خير

قولت لي اتنين في واحد ودخلو كمان الفتريته مع الفيني
احسن يخلولينا الفتيريته دي في محلها لانو سعرها قبل مايخلطوها طاير السماء والله لو خلتوها تاني تبقي في السوق الحر
وبعدين الفتريته دي اجمل حاجه تكلها براها ----------والجماعه ديل دايرين ينظرو في الناس
تسلموا

بس لو نعرف ليه التوفير على حساب الجودة والنوعية وهو اصله الرغبف ناقص

طبعا الاخوان ما قصروا

» زيادة متوقعة باسعار الدقيق فى السودان