معاذ يوسف بابكر
عضو نشيط
تاريخ التسجيل : 11/03/2009
عدد الرسائل : 348
العمر : 40
 | موضوع: ميعـــــــــــادك  2009-03-21, 15:29 | |
| ميعـــــــــــادك
أقول اتناسا ميعادك
الاقي تملي قرب جا
انا استعجلت قبلك جيت
عشان حجوني بيك حُجا
كلي حشدت أشواقي
نظر عيني وسمع مرهف
أشوفك واسمع الحانك
تتطل ببشاير الفرحة
بعد لحظه بعد ساعة
يلوح بالبشرى انسانك
بشوش ضاحك سمح كلك
تأخر بس شوي رجا
قريب منك أكون جنبك
اكون جنبك قريب منك
ولو ماجيت اكون غلطان
فقدت معاك انا الحجة
ولو ضليت معابر الشوق
نداءاتك ترجعني
ولو وقفت خطاي في القيف
حفيف موجك يغازلني
أخاف أغرق على اليابس
وسط دهشة معانيك
قبل مدك يودعني
القى الرملا ليا وساد
ببسماتك تسالمني
بضحكاتك تصافحني
أغنيلك أمد ايدي أسلم ليك آمالي
عشان في الريد نكون أنداد
حتى عنيك يقولن هي بضون لي
مسافات الخطا الجاياك نشوانات
بيدن بهجتك ميعاد
ويبقن هن لي ملجا
بحبك قوله ليه خايف
وفي عينيك ومضات الأمل شايف
يشيلني .... ليك عندك .... يودني
منك لي يجيبنك
اضمك في حنايا الروح
في قلبا تساوت فيه اسرارك ومعنى البوح
ما أحلاك في صبحا مغطيه انتعاش حسنك
شايل نور بسيماتك
مغطي الدنيا والفجه
حليل الدنيا وأيامي وايامك
حليل همسك وسط دهشة صباحاتك
وسط روعة زياراتك
وكت نتلاقى نتسالم اسرح في عباراتك
وكت تتراشق النظرات وتتعانق
تتشابك بنظراتك
اسمع همسك المعسول
بدون ما اتقول بردد ليك بحبك انت وحياتك
ريدنا مع الأمل ينساب جداول فرحه
يتراقص حفيف أمواجه في جواي وفي ذاتك
نزرع في القلوب زهرة حنان
تمتد بين روحين أماني نعيشه
مـــــــــن هســـــــه ولي بكــــرة
وانت معاي ما أحلاك انا الراجيك
معـــــــاك مستني ميعـــــــــــادك | |
|
tyara
المدير العام
تاريخ التسجيل : 09/03/2009
عدد الرسائل : 1303
العمر : 54
الموقع : المملكة المتحدة
| |
الرئيسية 
التسجيل 
دخول 
يا رائع وتقبل مروري 