الونسه جنب الباب

الونسة الجم الباب مهمة جداً ياخوي النيل لأنو فيها تلخيص لما كان في الوسنة الرئيسة ويكون فيها وضع النقاط فوق الحروف مثل خلاس أها مع السلامة ما تنسى أه والكلام بجيب الكلام بس أهم شيء تكون خالية من الشمارات .

والونسة في البيت أو في الباب أفضل من الونسة في الشارع يعني بعض الناس يلاقي ليه واحد في الشارع يقعد يتونس معاه يبراه بري بدون ما يقدر إنو الزول ده يمكن يكون مستجعل أو عندوي موضوع مهم عايز احصلو فيأخذ من وقته الكثير وصاحبنا تلقاه مغلوب على أمره ماعايز يحرجو وتلقاه يتجاوب معاه عشان يمشيه . مثل أي والله نعم نعم فعلاً فعلاً وهكذا وتلقى بالو هنااااااااااااااااك.

فالمفروض تكون الحياة منظمة يعني لو كنت عايز تتونس ليك مع واحد تأخذ منو موعد ويحدد ليك الوقت اللهو فاضي فيها وتتقابلوا وتتونسو كما تشاؤون يعني ما تكون الحكاية جايطه ساكت ولا رايك شنو ؟؟؟؟

tyara كتب:

الاخ النيل

سلامات
الشغلانيه دي بقت شيئ ثابت عديل كدا
يعني نفرض اليوم نست موضوع واتذكرتو وهي مارقه
طيب هل كل النسوان بنسن وبتذكرن بس جنب الباب ..
اكيد لا .. انا اراها من المكملات لتلك الجلسة يعني الجلسة دي مابتكون مكتملة مالم ياخدن ليهن وقفه عند الباب ..وهاك ياشمارات فلانة دى طلقوها وداك اعطوا شاكوش وناس فلان جاهم حرامى وبنت فلان جاها عريس وكما شمارات الرجال دى خطيره شديد اكتر من شمارات النساء اها عليك الله شنو الشمارات العندك والجديد شنو
والله يعين

الاخ أحمد بعد التحيه
أشكرك للمداخله لكن يا صاحبى انت طوالى دخلت وجهت اسلحتك على النسوان الرجال ديل الحركه ما عندهم وكمان ابو مصطفى وصفم بالبرايين وحقيقه شمارات الرجال مع قلتها الا انها خطيييييييييييييييييييييييييييييييره والدليل على ذلك قالوا الرئيس طلق مرته .

الكلام الجوه داك كلو الموجز بتاع الاخبار


والتفاصيل جنب الباب






تخريمة:-

قلت لي الرئيس طلق مرتو

القديمة ست البيت والجديده ما بتطلق

osm2n abdo كتب:

الكلام الجوه داك كلو الموجز بتاع الاخبار


والتفاصيل جنب الباب






تخريمة:-

قلت لي الرئيس طلق مرتو

القديمة ست البيت والجديده ما بتطلق

الاخ عثمان بعد التحيه
اولا اشكرك على التفاعل مع الشمار اقصد التفاعل مع البوست لكن ياصاحبى تفتكر الزول يمكن يطلق ست البيت؟
مالها الجديده الطلاق مابمشى فوقها.
ودمت

العزيزه تمارق
اشكرك على المرور بعدد رزاز المطروعدد الرمال والحجر
لكن ماقلتى لى هو بالله الشمار ده الواحده مامكن تاجلوللزياره الجايه وما قلتى رايك فى الرجال تفتكرى الحركه دى عندهم والا لا
ودمتى

الاخت نمارق
بعد التحيه اولا اعتز للخطاء الغير مقصود طبعا
وبعدين انتى زى الواثقه انو الرجال ديل شمارتم خطيره والكلام ده بيفتح عليك طاقه لا قبل لها بس حاسبى الرجال اكثر حفاظا على الشمارات وما بطلوعها بالساهل وما قاعدين يشغلوا بالهم بيها ناهيك انه يهاجروا ليها واقول نحن معشر الرجال ننكر هذا الاتهام جمله وقطاعى وحركة الونسه والقهقه فى الشارع دى بتفق معاك فيها بتقيظ والله.
ودمتى