تخيل كيف يكون الحال لو ما كنت سوداني!!

كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف ال (ق ) و ال ( غ ) كما ينبغي - كنت بطلت تسف صاعود - كنت صرت متخصص وعالم في مجالك - كنت حتلبس شيك جدا عند خروجك أمام التلفاز وأجهزة الاعلام - كنت تتحدث بطلاقة وإنسيابية بدون أ أ أ أ أ أ - كنت عرفت ان بالدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا كنت اخترت المساق التعليمي بنفسك و درست الجامعة بالكلية اللي تناسب مقدراتك ومواهبك ورغباتك المستقبلية كنت ح تتصل بالتلفون قبل زيارة أحد في منزله بدري شويه, مش و أنت في خشم الباب...كنت انتظرت دورك في الصف..كنت ح تنهر أولادك لما يبهدلوا ليهم بيت زول..
و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت ح تتردد في إعطاء رقم تلفون أو عنوان شخص ما دون إذنه..كنت ح تتوقع يحصل شنو لما ترقد طفلك الصغير, دون بامبرز في سرير في بيت الناس..وكنت امتنعت عن السماح بجلوس طفلك الرضيع في المقعد الأمامي على حجر والده او والدته...كنت ح تترد في زيارة شخص ما أنصاص الليالي و صابح يوم مدارس و عمل...كنت ح تخلي الصغار في البيت عندما تكون المناسبة مناسبة كبار...-كنت اتونست بصوت معقول, حصوصا' عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...كنت امتنعت عن التدخين في منزل شخص اخر, او على الاقل استأذنت قبل ما تولع...كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...ما كنت تقيف عند مدخل المطار عشان "تطالب" كل مسافر يشيل ليك شنطه.....وكان الله قدر وأبى فالويل و الثبور.... كنت رجعت القروش الاستلفتها في وقتها, أو في الحقيقة رجعتها و بس..كنت امتنعت عن زيارة احدهم في مكتبه , للونسه او مناقشة امور لا صله لها بالعمل كنت خجلت من عدد المسكولات(miscalls) التي تعملها, مش كمان تقول 'شنو يا فردة, خمسه مسكولات ما ترد عليها؟ و الله الفيك اتعرفت'..... ما كنت نيقول "يا بروف" فى مقابلات رسميه أو أجتماعيه.......ما كنت بتستعمل كلمات زى "التافة" و "العواليق" لكل من لا يعجبك......ما كنت بتصر تزور واحد مسافرنص الليل عشان تودعه فى حين انه مسافر الساعه اربعه صباح اليوم التالى.......و ما كنت بتصر ترافق واحد ماشى يقابل أو يودع مرته فى المطار... ولا كنت بتصر مع الشله تزور عرسان فى شهر العسل فى فندقهم و تعزمهم عشا كمان......ويمكن تمر عليهم الصباح كمان.....
[i]

اما فاهمة تقصد شنو .....انا شخصيا ما بتخيل انى اكون ما سودانية واهل الحارة ديل ما اهلى ما بتصورا بدا .... سودانية سودانية ....تكفينا عزتنا

موضوع: شكرا asm 2009-03-23, 06:48

شكرا على الرد الجميل . اساس اى انسان بفتخر بى وطنيتو للاسف شكلك ما ركزتى لمن قريتى الموضوع
احب اوضح ليك حاجه معينه انا بتكلم عن ثانويات مش اساسيات ....

banbo55 كتب:: كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف ال (ق ) و ال ( غ ) كما ينبغي - كنت بطلت تسف صاعود - كنت صرت متخصص وعالم في مجالك - كنت حتلبس شيك جدا عند خروجك أمام التلفاز وأجهزة الاعلام - كنت تتحدث بطلاقة وإنسيابية بدون أ أ أ أ أ أ - كنت عرفت ان بالدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا كنت اخترت المساق التعليمي بنفسك و درست الجامعة بالكلية اللي تناسب مقدراتك ومواهبك ورغباتك المستقبلية كنت ح تتصل بالتلفون قبل زيارة أحد في منزله بدري شويه, مش و أنت في خشم الباب...كنت انتظرت دورك في الصف..كنت ح تنهر أولادك لما يبهدلوا ليهم بيت زول..
و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت ح تتردد في إعطاء رقم تلفون أو عنوان شخص ما دون إذنه..كنت ح تتوقع يحصل شنو لما ترقد طفلك الصغير, دون بامبرز في سرير في بيت الناس..وكنت امتنعت عن السماح بجلوس طفلك الرضيع في المقعد الأمامي على حجر والده او والدته...كنت ح تترد في زيارة شخص ما أنصاص الليالي و صابح يوم مدارس و عمل...كنت ح تخلي الصغار في البيت عندما تكون المناسبة مناسبة كبار...-كنت اتونست بصوت معقول, حصوصا' عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...كنت امتنعت عن التدخين في منزل شخص اخر, او على الاقل استأذنت قبل ما تولع...كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...ما كنت تقيف عند مدخل المطار عشان "تطالب" كل مسافر يشيل ليك شنطه.....وكان الله قدر وأبى فالويل و الثبور.... كنت رجعت القروش الاستلفتها في وقتها, أو في الحقيقة رجعتها و بس..كنت امتنعت عن زيارة احدهم في مكتبه , للونسه او مناقشة امور لا صله لها بالعمل كنت خجلت من عدد المسكولات(miscalls) التي تعملها, مش كمان تقول 'شنو يا فردة, خمسه مسكولات ما ترد عليها؟ و الله الفيك اتعرفت'..... ما كنت نيقول "يا بروف" فى مقابلات رسميه أو أجتماعيه.......ما كنت بتستعمل كلمات زى "التافة" و "العواليق" لكل من لا يعجبك......ما كنت بتصر تزور واحد مسافرنص الليل عشان تودعه فى حين انه مسافر الساعه اربعه صباح اليوم التالى.......و ما كنت بتصر ترافق واحد ماشى يقابل أو يودع مرته فى المطار... ولا كنت بتصر مع الشله تزور عرسان فى شهر العسل فى فندقهم و تعزمهم عشا كمان......ويمكن تمر عليهم الصباح كمان.....
[i]

الاخ بنبو55

موضوع مميز والله وصاح على ما قال الشاعر بلادي وان جارت على عزيزة وتسلم الايادي وشكرا على الموضوع

وربنا يعطيك العافيه

شكرا بنبو 55

وتحليك للشخصية السودانية صحيح ويا ريت بس لو يتخلصوا من عنصريتهم الزائدة ويحاولوا يتقبلوا الآخر دون حساسية

طبعا العيوب موجودة في كل الشعوب

ولكن عيوب السودانيين هي العفوية الزائد وعدم الاكثرات وعندهم كل شيء ينفع والعلة ما معروفة من وين هل هي أزمة حضارية أم سببها البيئة وأنا اعتقد انو البيئة هي السبب لأنها هي التي ترسم ملاح المجتمع وتشكله حسب معطياتها

وإذا أخذنا مثلا كيفية تعلم إشعار من تنوي زيارتهم قبل وقت كافي من الزيارة هذه صعبة لأنه السوداني بطبعه عشوائي وبعض الأمور لا يعيرها اهتماما وعندو كل شي زي ما بقولوا زي ما تجي تجي

طبعا الموضوع طويل الكلام ممتع لكن اكتفي بهذا القدر

أنا ما دايرة أكثر عليكم يعني ما عايزة أطيح فيكم من أول مرة

أم محمد

لو ما جيتا بالزي ديل وا أسفاي وا مأساتي وا ذلي
و كيف يكون الحال لو ما كنت سوداني وأهل الحارة ما أهلي
الوطن غالي ولا يعلم حقيقة ذلك إلا من لا وطن له و
يديك العافية يابنبو 55فعلا موضوع جميل خلا الجميع يتفاعلوا معة
ودمت غــــــــــــــــــــــــــــــــــالي ياوطنى
يا السودان

اشكرك اخى بنبو 55 انا قريت الموضوع كويس .....بس لو جينا للمساؤى كل الشعوب لها مساؤى ونحنا بالرغم عن مساؤئنا وان وجدت فنعتبر من احسن الشعوب واميزها .....وزى ما قلته ليك تكفينا عزتنا ....
هذا مجرد راى لا اختلاف

» تخيل كيف يكون الحال لو ما كنت سوداني
» تخيل نفسك كمبيوتر
» سوداني يغازل لبنانية
» متي يكون شرب الشاء مضرأ للصحه ؟؟
» هل من الممكن ان يكون هذا صحيح ( سبحان الله )