ازمااااااان زمن الزمن الجميل
في اول اليل او بعد العشا بقليل
زمن الجهل
نسمع حجاوينا من كبار الاهل
وخاصة حبوبه
نقعد حوالينا حبوبه عليك الله حجينا
تقول بعدين واقول هسي يا حبوبة وامسك فى طرف توبة
تقول خلاص صنقرو
وتبدءا الحكوه فاطمة السمحه
وبين الكلمه والكلمه قولت اها وتضرب حبوبه في ايدينا
وشويه كده كل اخوانى الما نام خلاص استوا
إلا أنا مفنجل عينى وأقول حبوبه النبي تمى لي
حبوبه زاتة من النعاس تدخل حكوه فوق حكوه
يكورك خالي يا ولد محمد بطل نباح
خلي حبوبتك ترتاح
أقوم وبالي مشغووووول بى فاطمة السمحة والغول
وارقد فى العنقريب واكون حريص اخليهو من حبوبه قريب
واقول ليها بصوت واطى حبوبه حبوبه انتى الغول ياهو البعاتي
ومره اقول ليه يا حبوبه من اول الناس ماقتلو الغول
وتناهد واقول حبوبه انتى فاطمة دى سمحة
تقول لي سمحه شديد ويا ريت ربنا زيها بعدين يديك
وأقول يا رب لكن والله يا حبوبه ح اضرب الغول جنس ضرب
ومن اليوم داك يا فاطمة يا سمحه قلبى حباك*
الرئيسية 
أحدث الصور 
التسجيل 
دخول 
2009-05-13, 04:49
