حلمنتيش

موضوع: حلمنتيش 2009-04-04, 07:59

بت هندسة
************

انا راسى جاط ما بين هواك والدبرسه
الفت عشرين الف بيت سبعين قصيده مؤسسه
شان مره الفت انتباهه ومره اقدر احسسه
يا حلوه يا بت هندسه
يا حلوه يا زينت البنات يا نجمه الليل و المسا
انا رغم اشكال الشتات حاضن عواطفك وحارسه
انا فى هواكى بقيت فتات ودخلت عشرين مدرسه
جنيت مع كلمات هواك بى قلبى قاعد اتنفسه
يا حلوه يا بت هندسه
كان شفتى يا بت هندسه........
خطواتى دايما بالغلط وامورى ديما معكسه
يوم داك مساهر فى الهدوم وكويتا جت شان البسه
لقيتا الصباح حقات اخوى وهدومى قاعده مكرفسه
كان للهدوم ما مشكله بشوف لى مصيبتا البسه
لكن هواك اعملو ايه دش دش عضامى وهرسه
داير لى فرصه اكون قريب طبله قليبيك افلسه
عشان تشوفى هواكى كيف بهدل عواطفى ودعفسه
كلماتى ليك اتبشتنت ما زى زمان متهندسه
حتى الشعر الكان زمان كلماتوا حلوه مملسه
هسى اتلخم بقى كيف كده مافيهو كلمه مهندسه
انتى السبب فى كل دا يا احلى اسباب الاسي
يا حلوه يا بت هندسه
انا ياخ بريدك اعمل ايه ورينى يا بت هندسه
امشى واكورك فى الظلط يا ناس بريد بت هندسه
كم مره قلت اقوم براى واقد معاها واحدثه
لكنى ما بقدر عديل مابقدر انضم اونسه
خليك من اشرح ليها حالى وحبى ليك والدبرسه
يا هنايه داير اقوليك كلام اصلو السكوت فيو وسوسه
انا يا ملاك انا بعشقك وما اظن بلاك ارجا المسا
دايرك تكونى لى حبيبه وابقى ليكى حبيب قسا
اكسيك هواى وتلبسينى نعيم هواك اجمل كسا
ويا ربى كل عاشق نبيل تديهو زى بت هندسه
وترعاها من عين الحسود ومن توب جمالك لبسه
ويا ربى تحفظا لى براى ويا ربى تحفظا تحرسه

موضوع: رد: حلمنتيش 2009-04-04, 09:17

الاخ المسلمى طبعا احلى ما قيل فى الكسير والمكسرين بس انا عاوز اعرف انت تذكرت ايام الجامعة ولا شنو بس دى احلى ايام مش كدة

موضوع: رد: حلمنتيش 2009-04-04, 12:11

aboabrar كتب:: الاخ المسلمى طبعا احلى ما قيل فى الكسير والمكسرين بس انا عاوز اعرف انت تذكرت ايام الجامعة ولا شنو بس دى احلى ايام مش كدة

اخ انا اخ يا ابو ابرار

هى ايام بتتنسى وخاصة انا قريت فى الاهلية ايام الملازمين

كنا حبببببببببببببببببة ونضاااااااااااااااااااااف وكلنا بنعرف بعض

اسمع هوى ما تجيب لينا الهوى

القطر فيهو كمسارى

Laughing

موضوع: رد: حلمنتيش 2009-04-05, 01:50

مولانا قال
شعر: هيئة حلمنتيش العليا

أسد الخلا اليرير
وفار شنباتو زي عنتر
مطرقس وشو ما بنفر
ولاصق لصقة في مصلاتو بي كراكة ما بنجر

ولابد لبدة
لا تيبان ولا فستان
أكان أحمر وكان أصفر
وكت شروهو قال والله ما منشر
وواقف ساكت أتمنظر

حريف مولانا.. ألعب غيرها
واقف ساعة.. ياهو الشر

أكان هامان.. أكان عرمان.. أكان عنتر
تضوق الشر
بقيت تخلط بعد فرادي ما تسعر
وكنت زمان وكت بتشوفها ماشة تعوم تمش بالبر
وكان قعدت حداك تنتر
وكان حدرت بعد طولك تمش منصر
تمرق السبحة لي مولاك تستغفر
وتتحصن من الجن المغطي التوب
وما فاضل غير تقول حي ووب

وكت تنزر تقول أحي
كفاي يا ناس أمرقوني فسخني الحر
وما بقدر

وكنت زمان بتدسدس
وجايي الليلة تتهندس
وتتلبس
وتتلمس
وتتفنن.. وزي الفانتة تتلون

وتجلس في الضليل تركين
وتشرب شاهي للتدخين
تشوف السمحة بي فد عين
وتغض الطرف بالتانية وتتمتم زين
وتقول والله كنا زمان دراويش ساهي ما عارفين
وفي خلط البلوم زاهدين

ولو بالغلط قالت ليك
هي يا مولانا بالغت
اتنحنح
يجر الكرسي في قعداتو ويصلّح
يخلف كراع في كراع ويخلي التانية تتمرجح
يقول في سرو: توفيق من المولى وعلينا يدوم
ومن ما جينا في الخرطوم
دنانير كوم
أكلنا المنقة والأنناس
وخليناهو كد الدوم
وشراب الحلبة والكمون
وقرش البصلة بالليمون
وكان موجود وكان معدوم

ويا مولانا يوماً شوم
وحن وارحم على السمحة الكساها الهم
ولو تنجم.. وأمضي الشيك
وأصرف للبنية بريك.. ولو رمشة
بقيت تخلط بعد فرادي بالكمشة؟

وكنت زمان كان شافنك السمحات يقولن كر
وكان شافنك الشينات يقولن جر
أريت يا يابا تتدغور

وكنت زمان بتتهرب
وتتعجب
من السايقين بنات آوا وواقعين صب
وجايي الليلة تتكبكب
تفتش خلطة تدرب
تركب تكس
تجقلب في محاور واي
وتطلع لي محاور إكس
وتوصل تاني للآيتكس
تقول ترتاح وعرقك يصب
تشوتك واحدة ضفاري
وتقع أروروب

وعاد مولانا.. طرشق كيف وفضى الخانة

موضوع: رد: حلمنتيش 2009-04-06, 08:41

موضوع: رد: حلمنتيش 2009-04-27, 22:40

تسلموا جميعا يا جمله اسره الحلمنتيش واليكم هذه اتمني ان تنيل اعجابكم
تلت أعوام من تعاسة
لا إقامة ولا دراسة
ولا مصدر لي إعاشة
كنت عايش على التّنحِل
حتى بادت المناحل
بعضها صار كحالي
قاحل في كل محفل
وبعضها .. أدام حاله
بسدني ما لذ يأكل
****
أما اخوك متسمر هنا
لا لي سدني زي ناس الهنا
ولا لي مصوع زي "سيدنا"
انتو عارفين "سيدنا"
قعد سنة وكمان نص سنة
وشاف الحكاية غير ممكنة

لملم هديماتو وارتمي
في أحضان بلدنا وأمنا
****
ود عمي الفي الكويت .. اتحجر ناحيتي منه القليب
ود عمي الفي الكويت :: استنفدت عنده مرات الرسوب
ياما أمطرته بالجوابات .. جواب ورا جواب
وياما امطرني بالدولارات مئات بلا حساب
لكن الكدب دايما حبله قصير
من تلات سنين اكتشف كل الألعاب
وكتب يقول : "الله بيني وبينك يا نصاب"
وليه حق !!!!!!!!

فضلت اعزف له بكل الأوتار
بوتر في كل جواب
وبكل السلالم والأشكال
الخماسي والسباعي
والجشاعي والطماعي
بسلم في كل جواب
وبكل الفاظ النحيب
من بكاء وشكاية
وانين ونكاية
بمأساة في كل جواب
****
أول الأوتار كانت الدراسة
غررته بأمالي في الدراسة
فتهلل وتبسم وقال يالها من كياسة
سجلت اسمي في كورسات الكنيسة
قال : ازهر
قلت اني اريد الكمبيوتر
واللغات الحديثة
قال فافعل ما تشاء وداوم على الدراسة
أخونا صدق
وأخوكم هنا لا قراية ولا دراسة
يومه ضايع بين الدمنة والكواسة
وبين البنج والهياسة
لا قراية ولا دراسة ..
ولا لغات حـــديثة
تحيات ابوشذي

موضوع: رد: حلمنتيش 2009-04-27, 22:43

أحي أنا ! ويا بختنا ! ويا حظّنا!

وأحي أنا!

قالوا في تعليمة في حيّنا

اتلمن أُمات عيون فيهن هَنا

وأُمات جضوم حديهن هِنا

سيقاناً زي القَنا ..

والله أخير حقاتي أنا!

ديل كمان منو الجابوم هِنا!؟
تحيات صلاح ابوشذي

موضوع: رد: حلمنتيش 2009-04-27, 22:46

الفت هذه القصيده الي بنتي شذي اتمني ان تنيل اعجابكم
مره لو فكرتى تبكى

تنزل الدمعه فى عيونى

وعارفه كيف بتكون شجونى

وعارفه كيف بتكون شجونى

جاتني فرحه ومعاها انتي
وعارفه كيف بتكون شجونى

فاتو سابو دموع بتنزل

كايسه لى ناس يمسحوها

ما لعيون يا انت قالو
بتبكى لمن يغدروها

برسل ليك اجمل تهاني
ليك ياحبيب وغالي
وشكرا
صلاح ابو شذي

موضوع: رد: حلمنتيش 2009-04-28, 00:20

صلاح الدبيبه كتب:: الفت هذه القصيده الي بنتي شذي اتمني ان تنيل اعجابكم
مره لو فكرتى تبكى

تنزل الدمعه فى عيونى

وعارفه كيف بتكون شجونى

وعارفه كيف بتكون شجونى

جاتني فرحه ومعاها انتي
وعارفه كيف بتكون شجونى

فاتو سابو دموع بتنزل

كايسه لى ناس يمسحوها

ما لعيون يا انت قالو
بتبكى لمن يغدروها

برسل ليك اجمل تهاني
ليك ياحبيب وغالي
وشكرا
صلاح ابو شذي

الاخ صلاح

مرحبا" بك بين اهلك وعشيرتك

ومرحبا" بك اضافة حقيقية لذا المنتدى

سلمت وسلم اختيارك

وسلمت شذى من كل عابر يزرف الدمع

تحياتى لك ولشذى

موضوع: رد: حلمنتيش 2009-04-28, 17:00

موضوع: رد: حلمنتيش 2009-05-04, 01:49

asmar كتب:

تسلمى كتير اسمار على المرور وتعطير المساحة بهذة الروعة

موضوع: رد: حلمنتيش 2009-05-04, 01:56

يا غربــــة يا بكايــــة يا غشاشــة يا مستهبلـــة
تغــرينا بــي درهـم قروش ووراك قنطار بهدله
جيناك نقعد بس سنة وحاجاتنــا ناقصــة نكملــه
نبني البيوت في العاصمه ونفـــرش اثاثها نجمله
وكرولا حارة نرسله اصله النقل صار مشكلــــة
ونكمل الدين بي مهله والسمحة جاهزة نحصلهـا
غير القروش اللي الاهل عبر الشهور حارسلــه
والباقي يدخل في البنوك ونشوف دباره نشغلـــه
ناس فكرت تجني العلم ةتبدا الدراسة تواصلــــه
احلام كتيرة وشيقة وامــــــــال كبيــرة مدنكلـــه
لكن حســاباتنـــا الغلــط فـــي كل يوم بنــرحلــه
مــــرت سنين من العمـــر بنعزهــــا وبنفضلـــه
والحسبــة وصلت طــاشــرات امكن نعيش ونبدله

موضوع: رد: حلمنتيش 2009-05-04, 04:14

المسلمى كتب:

[size=25]يا غربــــة يا بكايــــة يا غشاشــة يا مستهبلـــة
تغــرينا بــي درهـم قروش ووراك قنطار بهدله
جيناك نقعد بس سنة وحاجاتنــا ناقصــة نكملــه
نبني البيوت في العاصمه ونفـــرش اثاثها نجمله
وكرولا حارة نرسله اصله النقل صار مشكلــــة
ونكمل الدين بي مهله والسمحة جاهزة نحصلهـا
غير القروش اللي الاهل عبر الشهور حارسلــه
والباقي يدخل في البنوك ونشوف دباره نشغلـــه
ناس فكرت تجني العلم ةتبدا الدراسة تواصلــــه
احلام كتيرة وشيقة وامــــــــال كبيــرة مدنكلـــه
لكن حســاباتنـــا الغلــط فـــي كل يوم بنــرحلــه
مــــرت سنين من العمـــر بنعزهــــا وبنفضلـــه
والحسبــة وصلت طــاشــرات امكن نعيش ونبدله

تسلم اخي مسلمي والله نقلك الاخيره لقصيده حلمنتيش ازمني وصحا في اشياء كثيره وكرهني الغربه

موضوع: رد: حلمنتيش 2009-05-04, 04:53

الاخ ابوابرار كيف حالك وين اختفيت مشكور بتنبه فيهو كمان اصبر

الكمساري ده ماشايف شغله اما عن المسلمي شايفاه مضري عبشو
وشغال اتكلم بلاعداد مافي مشكلة النظام مع بنت هندسة

موضوع: رد: حلمنتيش 2009-05-04, 06:21

الاخت تيتا
ماتفتحى ليك موضوع عداد ولا اشياء اخرى
الموضوع منك انتى اول مفروض ترجعى الموضوع
قبل النشر ولا رايك شنو

موضوع: رد: حلمنتيش 2009-05-04, 07:56

تيتا كتب:: الاخ ابوابرار كيف حالك وين اختفيت مشكور بتنبه فيهو كمان اصبر

الكمساري ده ماشايف شغله اما عن المسلمي شايفاه مضري عبشو
وشغال اتكلم بلاعداد مافي مشكلة النظام مع بنت هندسة

كدى اوووووووووووووول شى ورينى مضرى شنو Very Happy

بعدين نتفاهم

موضوع: رد: حلمنتيش 2009-05-04, 07:59

tyara كتب:: الاخت تيتا
ماتفتحى ليك موضوع عداد ولا اشياء اخرى
الموضوع منك انتى اول مفروض ترجعى الموضوع
قبل النشر ولا رايك شنو

طيارة يافردة

شنو ياخ

Wink

دايرة تبقى مقص الرقيب ولة شنو

Laughing

موضوع: رد: حلمنتيش 2009-05-04, 08:17

المسلمى

موضوع: رد: حلمنتيش 2009-05-04, 09:08

سلام أهل الشواكيش جملة ما خصصت

جيتكم بالعديل مالصت ولا حقصت

شاكوشي العجيب المنو مبسوط بسطة

برويلكم حكايتو الكاملة ما نقصت

*****

الشاكوش يمين في ده الزمن بقى راحة

ما زي حق زمان ما تزيلو الا جراحة

يا رفقا الكفاح والله بكل صراحة

شاكوشي اللذيذ ما كان عنيف براحة

*****

يا رفقا الدرب هاكم خبر شاكوشنا

ما المقدور وقع قبال نضري عيوشنا

ماف أعذار بتنفع و ما بتفيدنا رتوشنا

شاكوشنا الظريف بنشيلو جوة رموشنا

*****

شاكوش الدبيبه مالك مبدل حالي

خليت عيني ساهرة ترى المنام بقى غالي

ادمنت الوساوس و يوت تبعت خيالي

حصلت القبيل عدو النجم قبالي

*****

شاكوش الدبيبه والله فريد في نوعه

ما بدور ضجه في سرية تامه وقوعه

طقتو بارده لكن قاسي قاسي طلوعه

سيدو تشوفو اتبسم و بالا دموعه

*****

شاكوش الدبيبه الشفتو فوق لي هاوي

ما بفلق يمين بعدل بصلح اداوي

اهل الخبرة قالو على لسان الراوي

حمد السيد مكافح وبرضو زي مكاوي

*****

الدنيا العجيبة دي ما بتحقق اماني

شاكوشي البولول جوه في البيت جاني

يا عزال خلاص انبسطو بالمجاني

أشمتو ورو شاكوشي البعيد والداني

*****

شاكوشي الملفق شامي لي فيك ريحه

لي هذا الاوان ما جابو لي تصريحا

الداير نهاية ريدنا قصدو يزيحا

سائل المولى يبلاهو وعروقو يسيحا

*****

مابننغش لكن اصحى يا مغشوشنا

ترسم في الخطط قصدك تجينا تحوشنا

كضبك انت والله بفهمنو دحوشنا

سبحان الكريم جايينا في نص حوشنا

*****

مو موضوع فلان ماف زولا انغشابو

التلفيق ببين من لهجة الليك جابو

كان شيتا بجيب الريح اخير سد بابو

و الشاكوش صعيب لكن حبابو حبابو

*****

مالو فلان حلت ليهو الحكايه بعدنا

بقى اتجارى لمن شافو بادي سعدنا

قام اتناطى كجنا الحكايه قعدنا

ما بنسيبو الا يشوف برقنا رعدنا

*****

يااهل الدرايه اليوم دحين افتونا

مالا الناس بقت بي اللخبتات مفتونا

تبسم ليك و الحقد الدفين في عيونا

في نشر الحكايات زي وكالة سونا

*****

الحاسدين خلاص نار حقدهم عمتنا

لفقو للحكايات شان تروح كلمتنا

كضبة ناس فلان و الله ما همتنا

والنسوان يمين ما بفرقن لمتنا

*****

سلام الحضري هناك حارس الديار العامره

الدبيبه مركز الدين ام فيوضا غامره

طلاب الحضري بي توجيهو ناهية و امره

قوم ابوفركه راكبين الخيول الضامره

*****

الصلاة و السلام للمصطفى العدناني

شافع الامه نبراس الهدى الرباني

سائل المولى بي جاهك غسيل ادراني

والقلب الجريح ما يصيبو شاكوش تاني

شكرا صلاح ابوشذي

موضوع: رد: حلمنتيش 2009-05-04, 09:10

صلاح ابوشذى

موضوع: روعه 2009-05-05, 01:17

ألقى عينيك جات في mine

حاجة very good

حاجة fine

يا suger مصنع كنانة

يا flour مالية البطانة

إنتِ fantastic banana

إنتِ my eyes رتينة

إنتِ where is مابتجينا

إنتِ عينيك فيها light

إنتِ شعرك dark night

إنتِ طبعك كولو right

إنتِ my heart إنتِ نورو

إنتِ my love البدورو

عايز أشوفك more tomorow

عايز أشوفك more tomorow

موضوع: رد: حلمنتيش 2009-05-05, 01:21

شكرا" ليك كتير ابو شذى

موضوع: رد: حلمنتيش 2009-05-05, 01:26

بنت البلد كتب:: ألقى عينيك جات في mine

حاجة very good

حاجة fine

يا suger مصنع كنانة

يا flour مالية البطانة

إنتِ fantastic banana

إنتِ my eyes رتينة

إنتِ where is مابتجينا

إنتِ عينيك فيها light

إنتِ شعرك dark night

إنتِ طبعك كولو right

إنتِ my heart إنتِ نورو

إنتِ my love البدورو

عايز أشوفك more tomorow

عايز أشوفك more tomorow

تسلمى بنت البلد

حاجة فرى نايس

Very Happy

موضوع: رد: حلمنتيش 2009-05-06, 13:51

حقيقة استمتعنا مشكورين جميعا اصحاب الحلمنتيش انتوناس في قمة الروعة شكرا لكم جميعا بنت البلد ,المسلمي.صلاح
]الفيكس :
تأليف : مشرور راجي الدّفار! هيئة حلمنتيش العليا
حاجة عجيبة ودنيا تنسّي
ناس اغتربت تمشي المانيا
تمشي اليابان ونيوجيرسي
حاجة عجيبة وجات بالعكس
من الصين وللسودان
الجكس اغترب وباع الفيكس
واحدين قالوا جونا هنا
لأنو هناك حرارة الطقس
واحد قال بكين بالنص
للسوق العربي رماهم بوكس
وميه الميه بايركس
وبايركسنا كمان بايركس
السودان ضاع وضح النهار
من غير ما لبس
والشوارع دقداق تفتل دركسون
وتحل جربوكس
ومن الصحافة زلط وللخرطوم بالعكس
ثقيف مشرور وتهتز زي البترول
وما يفضالك كرسي
نهارك ضاع من تصبح لامن تمسي
ركشه هنا وركشه هناك وللصالح العام
أحالوا التكسي ..
الدفار جاك وهاك يا كوداك
تصل عرقان وقميصك وسخان
وحالتك يخسي
راسك زي سخّان يغلي غليان
وما يساوي الفلس[]

موضوع: رد: حلمنتيش 2009-05-08, 15:33

صاحبة الديك والجدادة الحايمة بتكوس في المريسة
والضبانة الزغردت فرحانة بي جيت عريسها
والضب الخاتي سفة يشكي من الظروف العويصة
احييييييييييييييييييييييي انا
دا البمبر قال مصدع من قعاد طول النهار
و فردتو المفراكة تبكي وتشكي من طول الدوار
و الملاح حارقاهو شطة صاري قال ما عاوز هزار
والرغيف فقران وناشف من صف النتظار
و جكسويتي قالت انا ما بغازلها ركبت وش حمار
عاوزاني تحت البلوكنة ليل ونهار
على بالها روميو قالت سيد الرجال
ابيت زعلت تاني ركبت وش حمار
فكيتها الزيها راقدين كتار
*******
تقولي لي سليتك
تقولي لي جفيتك
تقولي لي عفصتك
بعفصك وبعفص حنانك
دبايب وعقارب تداعب بنانك
بتسال عن حالك
وكيفن هو حالك
سالت تمرجي البطاطس ببعادي
تجاهل وقبل لغادي
بحبك لمن بغادي
وبعاتبك بلغة سواقين التكاسي
حبيب مال انا ليش هذا عذاب
حبيب انت في كذاب
انت قول في حب واجد بعدين سوي غير نمونا
انت كنسل حب مالي
انت خرب كل حالي
شنو؟؟؟؟؟
ما عاجبك
ياخيييي ديشك
وديش الحب الخلاني سجينك
وديش الشوق البربط بيني وبينك
===============
شكيتي وبكيتي وقلتي عاوزة موبايل
مشيت وجريت وجبت ليك ستاير
ستاير ومرايل ودواير على قافية موبايل
اوع يا ولية اسمع منك قوايل
حردتي واعترضتي وقلتي ابوكي شيخ قبايل
طيب طالق بالتلاتة ولو في رابعة انا كنت قايل
بس ما عاوزين نعقد المسائل
شوفي احسن الموبايل ولا الستاير

» حلمنتيش
» حلمنتيش العزابة
» حلمنتيش (الزمن الضايع)