مريخ السجم ويا هلالاب رقادكم طال

كلمات من زول مألماهو الهزايم وبشتنت السودان كرويا"

مريخ السجم

مريخ السسسسجــــم الليلة سوى حكاية لخبت للحساب قصدو فينا نكاية
من العشرة سبعة وقالوا لينا كفاية دراويش اللعيبة وحارسهم .. صفاية
مريخنا جابة عويرة ..... بعد الحصــل قــول كيفـــــن بعـــودوا الديرة
خلى مشجعوا دايما" دموعو غزيرة... بالعشرة اتغلب ياخى سبعة كتيرة
الليلة النجمة تحت الحديد منطبقة ...يا القايلين غزال الليلة مرقت ضبعة
ما بترضى الكعب كان ما بقى لك طبعة.....اخير الشراد من الغلب بسبعة
مالو سمانا ضلم والنجم شن حجبو مع غياب الهلال وين طمبلووين عجبو
السوهو شينا" مافى زول عجبو ومريخاب عمان زااااااتون ادانو وشجبو
انسحبوا الكبار كيفن تودوا بطان ..تجيبوا لينا النبيشة وتفضحوا السودان
النجمة اختفت واااااااااأأأاااااشرى فى عمان ياهن سبعة ولة المزيع غلطان

اها جاء قال فى الهلال بعد هزيمة مازمبى التاريخية للهلال

يا هلالاب قبيل قلتو الكفر اسيادو .......... وقلتو الهلال ما بنهزم فى استادو
قلتو الفريق فى كامل استعدادو........ وفريق مازمبى يضرع تقول فى بلادو
القلتولنا معروف مقبرة ابطال ............. دفنكم فيهو مازمبى ورقادكم طال
لو كان عندكم للكاس بصيص امال .......... مبارة الذهاب ابقولنا فيها ابطال
كلامكم فى الجرائد كلة ما كان صاح ..........وحقوا يكتبوكم فيهو استيضاح
فريق مازمبى فى كل الخطوط مرتاح .. وانتو معاهو فى الميدان تقول اشباح
الراجيك تجيبلوا الخمسة جات مقلوبة...... فى ليلة الاحد مازمبى كان كابوسة
تجاربو الخاضة كلها ما استفاد بدروسة ..ما افادوة لا امبيلى .......لا ايفوسا
قلتولنا الهلال بدرو اكتمل......... متجلى وفى ليلة التمام ظهر الخسوف الكلى
الكنغولى نشينتة للقون ما بتجلى ............خمسة اقوان تقول كنتو لاعبين بلى
بعد عشرين دقيقة بدا الهلال ينهار............... لقالو شوية هبوب بقطعة التيار
انبهط المدرب وفى البقت محتار سيد الدار بقى الضيف والضيف بقى سيد الدار
ليلتك يا الاحد لهلالنا اسود ليلة ...........مطر مازمبى غلبو دفاعك يترس سيلة
التوفيق بعيد ما جانب التشكيلة ......صحيح احرزتو قونين ..... الا ماخدين كيلا
زغاريدنا وكروت افراحنا ماليه الديرة .... ودلاليك الكسمبر هابقة لاحقة السيرة
هلالنا مجرتقنوا هلال صوت وضريرة ......ذنبى عليك يا مازمبى خمسة كتيرة
الليلة الهلال فى استادو مقطوع ريحة .....وفيهو عشمنا كان يحرز نتيجة مريحة
غرقت مركبة فى اول التلقيحة ..............لا تنغشوا يا الاخوان نتيجتو فضيحة
ماكانت عندو كورة نزلت عديل فى مكانة ...... اول قون فرحنا الا العشم غشانا
مالقينا الولد المن الغلب فشانا .....................يا امبيلى معاهم انت ولة معانا
الاسما القبيل متل الدهب لمعانا ......................... ماقايلنها بتغيب قبل آوانة
لا ايفوسا لا مساوى نالو رضانا ..........بعد ها الحالة نرجى الفى ذهاب راجيانا

» هلالاب بلا حدود
» مريخ هلال
» و اللييييييييييييييييييلة ياخالد العبيد مريخ فوق الجميع
» هلال مريخ وكأس السودان
» مريخ هلال اللهم انصر المريخ وأهزم الهلال