الواسطه ...... موضوع للنقاش

موضوع: الواسطه ...... موضوع للنقاش 2009-06-05, 12:39

الوساطه الواسطه واسطتي قويه يازول ها انت بتلعب ولا شنو ولا انا واسطتي لواء عدييييييييييل كدا انت ماقريت واسطه ولا شنو . والله اكان ماواسطتك قويه والله في اسبوع ماتستلم وفي الطرف الاخر منهم من تسمع صيحاتهم ياخي حرام عليك ياخ نحن واقفين لينا عشره ساعات ياخي الفطور مافطرنا وتجي انت في دقيقتين تنتهي انعل ابو الواسطات ياخي ليه والله الناس دي مابتخاف الله شنو يعني عندو قريبو ولا ود اهلو وبجرة قلم يخلص ويخلينا نحن المساكين ديل من صف لي صف الله غالب

هكذا اصبحت الحياة الواسطات اصبحت كل شيئ ولو على حساب الاخرين وللاسف عندنا في السودان الواسطه اصبحت كل شيئ الكل يدير لمصلحة اقاربه ولكن الشئ الوحيد ومافيه واسطه حيث يلتزم الجميع الصف والحجز انها المواصلات حيث لا سيارة قبل الاخري لا فرق بين دفار وامجاد وهايس وغيرها لا وساطه فالاول اول والاخير اخير ولعلها الحسنه الوحيده وسط بحار ومحيطات الوساطه والواسطه والسؤال الذي يطرح نفسه
: اذا اتيحت لك الفرصه هل ستعمل بالواسطه حتة ولو على حساب ظلم الاخرين ؟

في انتظار اراؤكم ومشاركاتكم

مشكور يا تايتنك على الموضوع الحيوي

و فعلا الواسطة آفة من الآفات التي نعاني منها في السودان و تعتبر مثالا صارخا للأنانية و انعدام الضمير و التغول على حقوق الآخرين ، و تتنافى تماما مع مكارم الأخلاق و النخوة ، حيث تجد طابورا من الناس ينتظرون لإنهاء غرض ما و هم يزحفون بسلحفائية حتى إنهاء إجراءاتهم أو قضاء حوائجهم ، لكن بين الحين و الآخر يأتي من يتخطى كل هؤلاء و يتم له ما يريد في لمح البصر دون مراعاة لغيره و يتكرر هذا المشهد دائماً
بخصوص سؤالك و الله صراحة الواحد المعاناة التي يجدها في هذه الحالات تجبره للإستعانة بالواسطة إن وجدت رغم عدم ارتياحه لذلك ، لأنك إن لم تفعل فستقضي سحابة يومك (تنجر) بين الصفوف بسبب غيرك من ذوي الواساطات أو تدخل في مشاكل بسبب فقدانك لأعصابك
تسلم ،،

الاخ تا يتنك
مشكور على الموضوع الذى يحتاج النقاش وكما قال الاخ الجمصى هى افة من الافات هذا الزمن ولكن الواسطة هي سلاح ذو حدين.. قد ينتفع بها الفرد في حياته.. وقد يخيب ظن الآخرين .. ولكنها في كلا الحالتين تسمي واسطة.. ووجود الواسطة لفعل الخيرات.. يكسبها الخير و..والعكس يكسبها بما أتت به.. والواسطة ..بفعلها السيء تكون مدمرة ومثبطة للهمم.. خاصة عندما تكون في غير موضعها..ولكن الواسطة موجودة فى كل العالم ولو ما عملت هذة الواسطة الامور ما بتمشى بس ربنا يعين .
ولك تحياتى
وتقبل مرورى

شكرا جمصي شكرا طياره وبالفعل الواسطه اصبحت كل شئ في حياتنا وما ان تجد شخص محتاج الى شئ اذهب الى فلان ود فلان والله خمسه دقايق ينتهي ليك منه ويصبح وقتها في القريه الفتى الذي يشار اليه بالبنان وترفع له القبعات وتجه في عيشة رغده لكن الماعندو واسطه حقو يضيع مابين الواسطه والوسيط والان انا اذا ماشي اطلع جنسيه لو ماسكيتها خمسه يوم مابتطلع لكن اقول حاجه امشي لي فلان في القياده العامه والله يسلمك ليها في خمسه دقايق ولا رايكم شنو في الكلام

الاخوه الاعزاء تايتنك وجمصي وطياره

شكر لكم
الواسطه مرض اصاب العباد والبلاد والله حت بلد الخواجات انتشرت فيه
انسال الله ان يقللها في بلادنا وحتي يتخلو عنهاان شاء الله

» موضوع للنقاش الجاد
» موضوع للنقاش "بصراااحة"
» فجوة الجيل (دعوة للنقاش)
» بوش يشتكي من اوامر زوجته بالتنظيف وراء الكلب بارني
» اهمية الاعتذار