الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 امثال شعبيه سودانيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كيارى
المشرف العام
المشرف العام
avatar

تاريخ التسجيل : 09/03/2009
عدد الرسائل : 476
العمر : 37
الموقع : UK

مُساهمةموضوع: امثال شعبيه سودانيه   2009-03-19, 16:29


* الواقعة من السما بتحملها الواطا

* العود كان مافيه شق مابقول طق

* اب سنة بضحك على اب سنتين

* القفة ام اضنين بشولوها نفرين

* جارك القريب ولا ود امك البعيد

* النسيبة عين شمس

* الصابر يعرس مرة راجل

* التسوى كريت فى القرض تلقاه فى جلدها

* قلِ العروض جفا

* الزارعه الله فى الحجر بتقوم

* حلم المطلقة فى الرجوع

* بليلة مباشر ولا ضبيحة مكاشر

* بيت الجدرى ولا بيت النقرى

* الكحل مابنفع فى العين الحجر

* الماشفتو فى بيت ابوك بخلعك

* الشينة منكورة

* الواضح مافاضح

* العرجة لى مراحا

* سيد الرايحة بفتح خشم البقرة

* الببارى الجداد بوديهو الكوشة

* المرة بدقوها باختها

* الماعندو لسان فقرى وفلسان

* فى الوش حبايب وفى القفا دبايب

* سمحة البتعرّف

* البرقص مابغتى دقنو

* الماعندو ضهر بينضرب على بطنو

* عيب الزاد ولا عيب سيدو

* السترة والفضيحة متباريات

* البحر بشيل عوامو

*القلم مابزيل بلم

*التسويها بايدك تغلب اجاويدك

*الباب البجيب الريح سدو واستريح

*الماشاف البحر تخلعوا الترعة

*المال تلتوا ولا كتلتوا


*القرد في عين امه غزال

*سمح الغنا في خشم سيدو

*الولادة صغرة والمشي صباح

*قلبي على جناى وقلب جناي على حجر

*درب السلامة للحول قريب

*تعيس الحظ يلاقي العضمة في الفشفاش

*البيرقص ما بيغطي دقنو

*بليلة مبشر ولا زبيحة مكشر
الرجوع الى أعلى الصفحة اذهب الى الأسفل
http://albnbonab.hooxs.com/
tyara
المدير العام
المدير العام
avatar

تاريخ التسجيل : 09/03/2009
عدد الرسائل : 1303
العمر : 47
الموقع : المملكة المتحدة

مُساهمةموضوع: رد: امثال شعبيه سودانيه   2009-04-22, 02:56

كيارى تسلم على الموضوع الرائع
ننتظر جديدك

_________________




الرجوع الى أعلى الصفحة اذهب الى الأسفل
http://albnbonab.hooxs.com/index.htm?sid=ec68ac8c7f2dccf4d707741
tyara
المدير العام
المدير العام
avatar

تاريخ التسجيل : 09/03/2009
عدد الرسائل : 1303
العمر : 47
الموقع : المملكة المتحدة

مُساهمةموضوع: رد: امثال شعبيه سودانيه   2009-04-22, 02:58

وهاك دى الامثال


حَبَابْكُمْ عَشَرَة بَلا كَشَرَة
يقال للضيوف بمعنى أننا سوف نخدمكم بأصابعنا العشرة وبإبتسامة

الفِي نَفْسُو سَمْسِينق بَرَاهُ بِدَنْسينق
سمسينق تعني ( something )
براه ( من نفسه )
بدنسينق ( بـdancing )
يعني من أخفى شيء سوف يظهر عليه
ويوجد مثل آخر يشبهه يقول ( الفي بطنو حُرْقُصْ بَرَاهُ بِيَرقُصْ )

بِيجي الخَرِيف واللّواري بِتْقيف
بيجي ( يأتي )
الخريف ( هو فصل الخريف وهو موسم الأمطار في السودان فقديماً كانت الشاحنات واللواري في موسم الخريف تتعطل لكثرة الأمطار التي تسد الطرق فتكون وعرة .

القُفّة أُم اِضْنَيْنَ بِشِيلُوها نفرين
القفة ( هي طبق يصنع من سعف النخيل لحمل الخضار )
أم اضنين ( لها أذنان )

اتنين كان قالوا ليك أضَانْك مافى اهْبِشَها
أضانك (أذنك)
اهبشها ( تحسسها أو ألمسها )

سِيدْ الرّايْحَة بِفْتَح خَشْم البقرة
الرايحة (الضائعة )
خشم ( بمعنى أنف) ( عكس ما يقال في الخليج فخشم يعني الفم ... ولكن عندنا يعني الأنف ... توخوا الحذر )
يعنى من له شيء ضائع منه يبحث عنه في أي مكن حتى في أنف البقرة

الما دَارْك ما خَرْبَشك
يعني الذي لا يريدك فهو لن يؤذيك

جارك القريب ولا وَدْ أمّك البعيد
يعني جارك هو أقرب من أخوك الذي يسكن بعيد عنك


الزول كان أبَاك من غير سبب ما تسْكُو
أمسح إسمو من خَارْطة ضميرك حُكُو
أباك ( لا يريدك )
تسكو ( تجري خلفه )

الماشاف البحر تَخْلعُوا التُرْعَة
الماشاف ( من لم يرى )
تخلعوا ( تفزعه )

المال تِلتُو ولا كَتِلْتُوا
- تلتو (ثلث ) - كتلتو ( عَدَمَهُ)
يعني إذا كان لك عند شخص مال وأتعب; وتأخر عليك كثيراً في رده .. فإذا أعطاك الثلث فأقبل به .


الجمل ما بِشُوف عَوَجَة رَقَبْتُو
ما بشوف ( لا يرى )
عوجة ( أي ميلان أو التفاف )
رقبتو ( رقبته )


القَلَمْ ما بِزِيل بَلَمْ
العلم والشهادات لا تزيل ما علق بالعقول من جهل وصدأ


درب السلامة لِلِحول قريب
للحول ( يعني أتم سنة )


بليلة مُبَاشر ولا ضبيحة مُكَاشر
يعني طعام من شخص يكون بليلة وهو مبشر ( بشوش ) ولا ضبيحة (ذبيحة ) لحم من شخص لا يبتسم وعبوس الوجه

الضَايِقْ لدْغَة الدَبِيب يخاف من جَرّ الحَبِل
الضايق ( الذائق )
الدبيب ( الثعبان )

الجَمْرة تَحْرِق الوَاطِيها
الجمرة تحرق من يطأها

العندو الضَهر ما بِنْدَقّ علي بَطنُوا
الضَهَر ( الظهر ) بمعنى سند
بِنْدَقّ ( يُضْرَبْ )

الِبباري الجِدَاد بِمْشِي الكُوشَة
البباري ( يمشى معه )
الجداد ( الدجاج )
الكوشة ( القمامة ) أعزكم الله .


البِجَاور السّعيد بِسْعَد
الذي يجاور السعيد يسعد
فمن يجاور ( قديم ) زاتو ..... لازم يسعد


أبْ سِنّة بِضْحَك على أبْ سِنّتين
أب سنة ( من لديه سن واحدة )
أب سنتين ( من لديه سنّيَن )

الواضِحْ ما فَاضِح

فى الوَشْ حَبايب وفى القَفَا دبَايِبْ
الوش ( الوجه )
دبايب ( ثعابين )
أمامك يكنون أحباب لك ويحبونك وفي غيابك يغتابونك

البحر بِشيل عَوّامو

خَرْبَانة ام بناياً قش
يعني ما بُني وكان أساسه قش فهو بلا شك سيتهدم (خربانة)

بَخِيت شَكَروه قال دَاك شهر تَانى
وهي النكتة المعروفة أنه كانت هناك جائزة لمن يرى هلال رمضان فرأه شخص اسمه ( بخيت ) ولما شكروه قال لهم وذلك هلال آخر .


بركة الكلام في قِلّتُو
قِلّتَو (قِلته)


الحوت ما بِهَدِدُوه بالغرق

الشطة أذا حَرّقتك ما تشرب مويه مَغْلّيه

الراكِب فى الجَبل أسْنانو ما بِتتشَاف


أكل الحرام ما بِزِيد الطُول
القعاد مع الخواجات ما بغير اللون
القعاد ( الجلوس )


الماشاف البحر تَخْلعوا التُرعة


خُتّ الخَمْسة فوق الاثنين
يعني ضع يدك (ذات الأصابع الخمس) فوق الإثنين يعني الشفتين يعني ( اسكت يااااخي ).


اسمك خَصْمك يا عَلّمك الدَّغَاله يا علّمك الهَبَاله
يعني إذا قابلت شخص يكون اسمه مثل اسمك ثم نادى عليكما شخص من بعيد فإذا رددتما معاً يكون نوعاً من الغباء (الهبالة) وإذا لم تردا يكون نوع من عدم المبالاة ( الدغالة).


الدّيْن لو دِرْهَمين يِسوِّد الخَدين
يعني الدين حتى إذا كان قليلاً فإنه هم بالليل وذل بالنهار .


الجَايَاك ما بِتتْخَتاك
المقدر لك لابد أن يصيبك


الحساب ولد
يعني ذلك أن الحساب مثل الولد لا ينسى يبدأ بالضرب عندما تُغَالطه في الحساب

الحَلّفك كَتَلك والشّكَاك عَاداك
كتلك (قتلك)
الشكاك (الذي اشتكاك)
يعني من عرّضك للحلف فهو عرّضَك للموت
ومن اشتكاك إلى الحكام فهو بدأ بمعاداتك


إن جَنّك ضَرَرين شِيل الأخَفّ
جنك يعني (جاءك)
شِيل يعني ( خُذ )
يعني إذا حدث لك أمران مضران في نفس الوقت خذ أخفهما.


ابْلمْ مُو شَقِي شَقِي البِتْكلّم مَعَاهُ
الابلم أي الذي لا يفهم فهو لن يتعب أو يغلب إذا تكلمت معه فأنت من سوف يتعب ويفيض به الكيل.

أَرْجَى سَفِيه و لا تَرْجَى باطِل
(أرجى) يعني انتظر
(السفيه) الذي يبذر أمواله في الملذات ولا يهتم بأموره الدينية والأخلاقية.
(الباطل) هو الذي يكون عالة على غيره من الناس .


خَلّى رِيحَتَهُ طَيْر طَيْر
ترك رائحته كريهة مثل رائحة الطيور
والمعنى أتعبه ويضرب للفخر الممزوج بالشماته


الخَيّروه حَيّروه
الذي يُخَيّر بين أمْرَين متساويين فهو في حيرة يصعب عليه التمييز بينهما.


دمع ألحِنْ بِيَقِيف ودمع النّفَع سِرّيف
يعني عند موت شخص ما فإن أهله يبكون عليه ويتوقف بكائهم أما بكاء ما له مصلحة فهو (سيريف ) يعني متواصل وكثير البكاء عليه


راحَتْ شَمَار في مَرَقه
يعني ذهبت بلا فائدة فعندما تضع الشمار (الكمون) في المرق يذوبان فلا تجدهما.
يضرب تحسرا

شجرة النِّيم ضُلّها مَا مُرْ
يعني شجرة النيم ضلها (ظلها ) ليس بِمُرْ كثمارها.

القلبُ القاسى تَخَاف مِنّو الحجاره


القُعَاد مع الخواجات ما بِغَيّر اللون
الكلب ينبح والجمل ماشي

_________________




الرجوع الى أعلى الصفحة اذهب الى الأسفل
http://albnbonab.hooxs.com/index.htm?sid=ec68ac8c7f2dccf4d707741
ودكالو
مشرف منتدي التقنية
مشرف منتدي التقنية
avatar

تاريخ التسجيل : 14/03/2009
عدد الرسائل : 56
العمر : 38

مُساهمةموضوع: تسلم   2009-04-22, 05:43

تسلم يا قلب I love you

امثال رائعه بس ترجموها لينا باكثر من لغه

دى فى بريطانيا يقولوها كيف؟؟؟؟؟
الرجوع الى أعلى الصفحة اذهب الى الأسفل
 
امثال شعبيه سودانيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البنبوناب :: منتديات البنبوناب الادبية :: منتدي القصص والروايات-
انتقل الى: