منتديات البنبوناب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 كمونية تاااانى!

اذهب الى الأسفل 
5 مشترك
كاتب الموضوعرسالة
Mustafa
مشرف منتدي المكتبات والبحوث العلمية
مشرف منتدي المكتبات والبحوث العلمية
Mustafa


تاريخ التسجيل : 12/03/2009
عدد الرسائل : 789
العمر : 53

كمونية تاااانى! Empty
مُساهمةموضوع: كمونية تاااانى!   كمونية تاااانى! I_icon_minitime2009-05-13, 03:15

كمونية تاااانى
- ما مشيت لى حاجة (سعدية)؟
مالا عندها شنو؟]
مش وقعت من (الركشة) وإتظلطت و(خيطو) ليها راسا تلاته (غرز)؟حوار عادى يمكن أن يحدث بين أى زوجين..
زوجة تخبر زوجها بأن جارتهم ترقد مريضة إثر حادث تعرضت له،
طيب أيه الغريب فى الموضوع؟
أقول ليكم..
الغريب فى الموضوع أن زوجتى العزيزة كانت تخبرنى بهذا الحادث
الذى تعرضت له (حاجة سعدية) وهى غارقة فى (الضحك
بتضحكى مالك؟ ده هسه موضوع يضحك .خلينى كدى أحكى ليكا وبعدين إنتا براك ح تعرف[.وبعد أن أخبرتنى (حرمنا المصون) بالقصة

لم أتمالك نفسى وإنفجرت فى نوبة من الضحك المتواصل
كما (أتوقع أن يحدث لك ذلك عزيزى القارئ)
وإليك القصة:
بعد أن اكتمل عدد المشتركات فى الصندوق (الماسكاهو حاجة سعدية)
قررت أن تذهب لتسليمه إلى صاحبة (الصرفة الأولى)
فقامت بوضع (القريشات) فى (كيس نايلون أسود)
ولفها بعناية حتى لا يستبين ما بداخلها
ثم أوقفت (ركشة)..
ماشة وين يا حاجة؟[/
ماشة ليا يا ولدى لى ناس زيارة قدام محطة (جامسكا) فى الثورة[b]وإنطلق سائق الركشة وهو مندمج مع الأغنية التى يبثها (المسجل) بصوت عال
وأخذ شارعاً جانبياً ثم آخر حتى صار بعيداً عن شارع الظلط الذى من المفترض أن يسلكه
مما حدا بحاجة سعدية أن تقول له:
- يا ولدى إنت ماشى بى وين؟ أنا بى هنا ما بعرف السكة!
- يا حاجة إنتى مش ماشة (جامسكا)؟ أنا خلاص بوصلك!
استمر سائق الركشة فترة من الوقت (يدخل بى زقاق ويطلع بى زقاق تانى)
حتى توقف أمام أحد المنازل وقام بالضغط على البورى
ففتح باب المنزل (3 ضلف) لتدخل الركشة وبداخلها (الحاجة سعدية)!
التى تفاجأت بوجود عدد من (الشباب) يلتفون حولها
تفوح منهم رائحة (الخمر) و(الدخان):
- يا وليداتى أنا (مرا كبيرة) عاوزين منى شنو؟
- (مشيراً إلى طشت كبير): ما عاوزين منك شئ يا حاجة بس نضفى لينا (الكمونية) دى!
كان الطشت (مليان لى عينو) بالمصارين و(الكرشة) و(العفشة)،
وضعت (حاجة سعدية) الطشت أمام (الماسورة) وهاك يا (نضافة)،
على الرغم من أن كمية (الكمونية) التى فى الطشت من الواضح انها لأكثر من (بهيمة)
إلا أن (مهارة) حاجة سعدية قد ساعدتها فى إنجاز المهمة
فى وقت قياسى مقداره ساعتان بالتمام والكمال!
- (وهى تستعدل ثوبها) أها يا وليداتى رجعونى حتتى[b]- )أحدهم يناولها كيس أسود): يا حاجة معقولة تفكينا (عكس الهوا) كده وتمشى؟
يعنى (الكمونية) دى ناكلا (نيه)؟
قامت حاجة سعدية بفتح الكيس الذى يحتوى على (الفحم والبصل والصلصة والبهارات)،
جلست على (البنبر) المتآكل من جديد،
(ولعت نارا) وبدأت فى (حش البصل) ثم (دق التوم) والفلفل..
- أها يا وليداتى.. لى (الصلصة) كبيتا ليكم فيها..
خلاس ودونى لى اهلى الواطه (فللت)!
- خلاس يا حاجة تعالى أركبى نوصلك..
على مشارف الحى قام سائق الركشة بإنزال (حاجة سعدية)
التى إتجهت صوب منزلها بينما انطلق (السائق) عائداً إلى ( شلته)..
- مالك يا حاجة إتأخرتى وجاية (فترانة) كده؟
- كيفن ما اجى فترانة وتعبانة؟ ومنضفه (كمونية) الدنيا والعالمين!!
- أجى (كمونية) شنو ياحاجة ما قلتى ماشة تودى قروش (الصندوق) الوداك للكمونيات شنو؟
وبعد أن قامت حاجة سعدية بسرد (الحكاية) وسط دهشة الحاضرين
خاطبتها حفيدتها (الطالبة) قائلة:
- والله يا حبوبة بركة البقت على (الكمونية) مع الحاجات البنقراها فى الجرائد دى!
لما كان من الضرورى تسليم مبلغ (الختة) لصاحبتها
فقد قامت (حاجة سعدية) بإرتداء ملابسها فى عصر اليوم التالى
ثم قامت بوضع (القريشات) فى (كيس نايلون أسود)
لفته بعناية حتى لا يستبين ما بداخله ثم أوقفت (ركشة)..
[b]-
ماشة وين يا حاجة؟- ماشة ليا يا ولدى لى ناس زيارة قدام محطة (جامسكا) فى الثورة!
وإنطلق سائق الركشة بالشارع الرئيسى
الذى بعد أن تحرك قليلاً وجده مغلقاً فى منتصفه بسبب بعض الإصلاحات
فاضطر إلى أن ياخذ شارعاً جانبيا ثم آخر
وعندما إنتبهت (حاجة سعدية) إنو (الشوارع ما ياها)
قذفت بنفسها من الركشة وهى تصيح:
- وحات الله ما بقدر على الكمونية تااانى!!
سردت القصه كما وصلتني في بريدي الالكترواني
الرجوع الى أعلى الصفحة اذهب الى الأسفل
lamya omar
عضو نشيط
عضو نشيط
lamya omar


تاريخ التسجيل : 01/04/2009
عدد الرسائل : 255
العمر : 36
الموقع : بريطانيا

كمونية تاااانى! Empty
مُساهمةموضوع: رد: كمونية تاااانى!   كمونية تاااانى! I_icon_minitime2009-05-14, 07:04

كمونية تاااانى! 53856nn
الرجوع الى أعلى الصفحة اذهب الى الأسفل
tyara
المدير العام
المدير العام
tyara


تاريخ التسجيل : 09/03/2009
عدد الرسائل : 1303
العمر : 53
الموقع : المملكة المتحدة

كمونية تاااانى! Empty
مُساهمةموضوع: رد: كمونية تاااانى!   كمونية تاااانى! I_icon_minitime2009-05-14, 11:09


هههههههههههههههههههههههههههههههههههههههههههههههههه هههههههه

والله قطعت مصارينا بي الضحك


تسلم ايديك يا ابو عزة على النقل الرائع دا

الرجوع الى أعلى الصفحة اذهب الى الأسفل
https://albnbonab.hooxs.com/index.htm?sid=ec68ac8c7f2dccf4d707741
namarig hassan
عضو نشيط
عضو نشيط
namarig hassan


تاريخ التسجيل : 21/03/2009
عدد الرسائل : 283
العمر : 33

كمونية تاااانى! Empty
مُساهمةموضوع: رد: كمونية تاااانى!   كمونية تاااانى! I_icon_minitime2009-05-16, 03:43

تشكر علي القصة الرائعة يعني لو بتاع الركشة لفي بي يوم انط من الركشة علشان ما انضف لي كمونية
الرجوع الى أعلى الصفحة اذهب الى الأسفل
http://www.albnbonab.hooxs.com
yousef haseb elressoul
عضو فعال
عضو فعال



تاريخ التسجيل : 31/03/2009
عدد الرسائل : 39
العمر : 53
الموقع : جمهورية ايرلندا

كمونية تاااانى! Empty
مُساهمةموضوع: رد: كمونية تاااانى!   كمونية تاااانى! I_icon_minitime2009-05-16, 09:27

[size=29]الواحد مشتهي الكمونيه يركب ركشه ولا شنو ودمتم[/size]
الرجوع الى أعلى الصفحة اذهب الى الأسفل
 
كمونية تاااانى!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البنبوناب :: منتديات البنبوناب الادبية :: منتدي القصص والروايات-
انتقل الى: