الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 ناس زمان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mustafa
مشرف منتدي المكتبات والبحوث العلمية
مشرف منتدي المكتبات والبحوث العلمية
avatar

تاريخ التسجيل : 12/03/2009
عدد الرسائل : 789
العمر : 47

مُساهمةموضوع: ناس زمان   2012-02-18, 15:29

ود دفع الله

زول مسكين قدر حالو

لا زول قلنا لا قالوا

كان طيّاني في الحِلّة

ودّر عمرو في الجالوص

يعين الناس علي السترة

يبني جدار ويسقف بيت

ويلْتَخ درقة مخروبة

ويسَوْ ان دُرْتَ راكوبة
لا بقطع ولابْفاصل

البتجيهو برْضابا

ان خلوهو مابطالب

وانْ ادّوهو مابيابا

زيّو غلابا عارْفَ الناس

كان ودناس وكان ونّاس

وكل حكاية عندو ليها طقوس

لا بقرا ولا بِكْتِبْ

بس لاكين معدول راس

يحكي ليك عن الصين

تقول شافا

والجولان وعن يافا

وام الدنيا واريافا

وعن كوبا وعن تكساس

لا مكتوب ولا كرّاس

زول طيّاني ما اكتر

بس ممحون وسيد طُرْفة

الا عديل زي الخيط

وساسا ً مابِخَزْلْ الحيط
يلَقْلِقْ يقولّك دا افرنجي

ويرْطُن مرّة طلياني

ويحْكي هندي والماني

ونِحْنَ صغار نستغرب

كيف يارب قِدِر يعرف

واَصْلو الحلة مافاتا

نفسو كبيرة

لابنافق ولا بداهِن

لا بيحسد ولا بشاحن

ولا بتمني حق الناس

راسمالو كان عباس

وفوق عباس جاتو بتول

ربّاهن بدم قلبو

لا بدسْدِس ولا بيبخل

ولا من فقرو كان بِخْجل

ولا بِمْشي قاصد زول

يومَنْ في ويوم مافي

يعشيهن وينوم جيعان

يكسيهُن ويمِشْ حافي
قرّاهُنْ وكانوا نجاب

لا في شينة انْدقّوا

ولا في غياب

بي نفسو قرّاهن

كيف الزول يصون قدْرو

ويجلّ القبْلو والقَدْرو

وكيف رايك تقولو عديل

وكيف تعدل بنايا ً يميل

بي نفسو ورّاهُن

كيف الزول يشيل بلدو

جوّه عيونو زي ولدو

وكيف يدّي دون مايشيل

وكيف يتقاسموا النبقة

وكيف يتجاوزوا العقبة

وكيف الناس فِرِدْ رقبة

تقيف ماتلين ولا ترْكع

كانوا نجاض وكانوا نجاب

لامِنْ خاب ولامن عاب

ولا واحدا ً مشي اتْسكّع
الرجوع الى أعلى الصفحة اذهب الى الأسفل
abdalwahab
عضو جديد
عضو جديد


تاريخ التسجيل : 27/03/2009
عدد الرسائل : 8
العمر : 34

مُساهمةموضوع: رد: ناس زمان   2012-02-28, 15:44

داير لي ناس هسي ناس زمان ديل الفيهم اتعرفت جميلة جدا
الرجوع الى أعلى الصفحة اذهب الى الأسفل
 
ناس زمان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البنبوناب :: منتديات البنبوناب الادبية :: منتدي الشعر والخواطر-
انتقل الى: