الرئيسيةالرئيسية  التسجيلالتسجيل  دخولدخول  

شاطر
 

 حـــــصاد الـــغربـــة

اذهب الى الأسفل 
كاتب الموضوعرسالة
عامريوسف
عضو نشيط
عضو نشيط
عامريوسف

تاريخ التسجيل : 22/05/2009
عدد الرسائل : 1426
العمر : 39
الموقع : الرياض
العمل/الترفيه : الرياض

حـــــصاد الـــغربـــة Empty
مُساهمةموضوع: حـــــصاد الـــغربـــة   حـــــصاد الـــغربـــة I_icon_minitime2010-03-12, 10:30


الغربة / شعر مبارك إبراهيم
حصاد الغربة,حقائب مليانة , خروج وعودة,برا وبحرا , وكل بمعاناته ,غربة طويلة ممتدة,الخالات والعمات
, المات مات والباقي باقي ,لا ليك راْي لا ارض لا حزب عندك حزب واحد اْسمه (حول) اتصالات , حوالات,طقم عشاء ودهب كضب ,قراية العيال والجامعات مرة كوته ومرة نسب, البنات المنتظرات العرس , والحكومات وعدم الاعتراف بنضال المغتربين, وآخر المطاف كبر وكرمشة وموت ودفن هنا اْو في طرد متجه غربا(والله المستعان
اْمرك عجيب يا مغترب
شايل حقايبك ماشي وين
ما الغربة طالت يامسيكين
وانت في نص الدرب
والناس هناك ماشايلة هم
لاهم حكومة ولا لحم
سكت ليه يامغترب؟؟؟
حاول اْجب؟؟
الناس وراك دفنت اْلوف
وانت جالس تنتحب
الناس هناك هزمت
طوابير الصفوف
وازدادو نجمات في الكتوف
وانت جالس زي خروف
لا فيك لبن لافيك صوف
شعار جميل مكتوب حروف
زول مغتربانت يا اْبوي مين اللي زيك
انت مازول مغترب
لا ليك اْرض
لا ليك راْي
لا خطة اسكان لا حزب
انت عندك حزب واحد
اسمه حوّل
اْخوك وراك راقد تعب
جاك اتصال من ناس منال
يا اْخوي حول وماتطول
جدي الخضر عضو الكلب
يا اْخوي حول
في الشهر مرتين
ود اللمين جاهو المقص
في الكليتين
خلآهو زي زول الكٍتب
يا اْخوي حول وما تطول
وجيب معاك طقم العشاء
ودهب الكضب
وانت جالس يامسيكين
الغربة طالت
وانت في نص الدرب
مرت سنين فوق السنين
لا اشتريت قطعة اْرض
ولا سقفت الغرفتين
والحالة طين
يا اْخوي صلي ركعتين
بعد الفرض
يا اْخوي حول جيب قروش
وخاتم الجنيه للسيدتين
اْم العريس واْم العروس
ولا تقول فلنفترض
اْضرب خماسيك في سداسيك
واْضرب الطول في العرض
الغربة طالت
والعيال كبرت وجالت
وانت حالك يامسيكين
والله تغني عن سوْالك
والفكر مشغول
وشايل هم عيالك وين بتقراْ
والغريب كل الحكومات
في البلد تنكر نضالك
وحتي العيال في الجامعات
يامسيكين
بدل الجنيه تدفع ريالك
ومهما تكتب اْو تقول
هذا اختيارك
لا ليك راْي ولا هناك
من يرد ليك اعتبارك
شد حيلك واشتغل
عشرين شغل خارج مجالك
شد حيلك والثغور راجاك كتيرة
ست البنات صارت مديرة
ولسه ما جاها العريس
والبيت ملان
ناس محاسن وناس سميرة
يابا ماتخليك معصلج
وانتي ماتخليك عويرة
وما مهم ود اللعم
ومامهم من القبيلة
المهم اْبقي راجل
وما اْكون زولا خميلة
اْلم اْقل اْمرك عجيب يامغترب ؟؟
جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد
.



وإذا خلوت بريبة في ظلمة
والنفسُ داعيةُ إلى الطُغيانٍ
فاستحٍ من نظر الإله وقل لها
إن الذي خلق الظلام يراني[size=25]
الرجوع الى أعلى الصفحة اذهب الى الأسفل
http://albnbonab.hooxs.com
بنت كترانج
عضو فعال
عضو فعال


تاريخ التسجيل : 29/01/2010
عدد الرسائل : 32
العمر : 30
الموقع : الخرطوم
العمل/الترفيه : طالبة

حـــــصاد الـــغربـــة Empty
مُساهمةموضوع: رد: حـــــصاد الـــغربـــة   حـــــصاد الـــغربـــة I_icon_minitime2010-03-30, 08:26

بالجد انا بشوف الغربة من عيون المغتربين ،،،،،،،،،،،

وربنا يهون علييييييييكم ،،


وهي ماكانت بالمراد بس الظروووووووف حـــــصاد الـــغربـــة Smile
الرجوع الى أعلى الصفحة اذهب الى الأسفل
abdalwhab
عضو نشيط
عضو نشيط
abdalwhab

تاريخ التسجيل : 21/04/2009
عدد الرسائل : 253
العمر : 36
الموقع : kings heath_birmigham_uk

حـــــصاد الـــغربـــة Empty
مُساهمةموضوع: رد: حـــــصاد الـــغربـــة   حـــــصاد الـــغربـــة I_icon_minitime2010-03-31, 08:11

ياعامر والله شفقتنا عديييييييييييييييييييييييييييييييييييييييييييييييل القصة كدة ونحنا ماعارفين لاكن شيل الصبر
الرجوع الى أعلى الصفحة اذهب الى الأسفل
 
حـــــصاد الـــغربـــة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البنبوناب :: منتديات البنبوناب الادبية :: منتدي الشعر والخواطر-
انتقل الى: