الرئيسيةالرئيسية  التسجيلالتسجيل  دخولدخول  

شاطر
 

 نصيحة ام سودانيييية لابنتها؟؟؟ خطيييييرة ما تفوتكم

اذهب الى الأسفل 
كاتب الموضوعرسالة
shosho
عضو فعال
عضو فعال
shosho

تاريخ التسجيل : 30/05/2009
عدد الرسائل : 33
العمر : 29
الموقع : london
العمل/الترفيه : student

نصيحة ام سودانيييية لابنتها؟؟؟ خطيييييرة ما تفوتكم Empty
مُساهمةموضوع: نصيحة ام سودانيييية لابنتها؟؟؟ خطيييييرة ما تفوتكم   نصيحة ام سودانيييية لابنتها؟؟؟ خطيييييرة ما تفوتكم I_icon_minitime2009-07-01, 16:52

يا بت هوي فتحي عينك و ابقي نجيضة وفالحة..... قدر ما اجي داخله عليكم القاكي .... هي هي هي .... و قر قر قر ..... تضحكي مع عبد الله دا....

الراجل ما تضحكيلو كتير..... يسعالني الله يحقر بك....الراجل اديهو

العين الحمرا. وان قدرتي لعند ايدك تلحقيها ليهو لحقيها...ابقي نجيضة.....آآية..... زي امك.....الله بسعلني وقت ابوكي يقول حاجة

تضحك.... امشي اتحشر في الاوضة واضحك زين واجي مارقة صارة وشي.... وبعدين اوعك واوعك وبعدين تااااني اوعك... تقوليلو الجلابية دي سمحة والله العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....واكربيهو بالطلبات.... اوعي تخلي لك قرش يبيت في جيبو...واوعك تخليهو يشوف.... بيخربن الرجال.... وقت المسلسل داك.... شفتي جيبي فندكك...واقعدي دقي أي حاجة جنبو ويا ريت لوكانت شطة... والله كان عندك شافع بيرضع وجيعان وبيبكي خليهو في بكاءهو داك لمن المسلسل ينتهي....

وبعدين ما يجى داخل يلقاكى تغنى حتى ان بقيتي دايرة تغني.... اوعك من الغنا الخايس ناس حبيبي حبيبي.... امسكي في الغنا الحار...... زي البيجري نسيبتو و مرتو طلقانة......والله اندب حظي ام امالي...... والله

دفاعنا الشعبي ياهو ديل.....والله النار ولعت بقلبي بطفيها.....اااااااااااي.... عشان تربيلو الزلعة .....والخلعة....بس اوعك تغني لو الليلة يوم الرجال.... بيقوم يصدق و يتحنفش فوقك ساكت........ واوعك تشكريلو حاجةجابها.... ان جاب لك لحم.... ختي ايدك فوق راسك...وقولي لو وب علي وب علي وب علي....غشوك وادوك الجلافيط.....وان جاب لك فتيل ريحة...اول ما تفتحيهو... وتشميهو.... طوالي كشري وقبلي غادي وابزغي..... وقوليلو دا شنو يا عبدالله؟......الريحةالمتل ريحةالفسيخ دي جايبها من وين؟......غايتو انت مغستك تقد.......

وان جنك نسوان والله بنات....ما تخليهو يقعد وسطن....ويتونس.... طيريهو من البيت....وان ابى يمرق... قدرمايقولو نكته والله يخفف دمو قدامن صري ليهو وشيك.... وقوليلو انت يا عبد الله ما عندك غير النكتة دي؟ يا خي عملت لنا بها وجع... وش......اصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش.....وتلقيهو يضحك بلا سبب... حتى ان واحدة قحت ساكت ... يقعد يضحك ويصفق اديهو....واوعك تخليهو معاهن وتدخلي المطبخ تسوي لك شربات .....وحات الله بنات الزمن دا ان غفلت من راجلك دقيقة بس تلقيها عرستو
الرجوع الى أعلى الصفحة اذهب الى الأسفل
asmar
عضو نشيط
عضو نشيط
asmar

تاريخ التسجيل : 21/03/2009
عدد الرسائل : 207
العمر : 44

نصيحة ام سودانيييية لابنتها؟؟؟ خطيييييرة ما تفوتكم Empty
مُساهمةموضوع: رد: نصيحة ام سودانيييية لابنتها؟؟؟ خطيييييرة ما تفوتكم   نصيحة ام سودانيييية لابنتها؟؟؟ خطيييييرة ما تفوتكم I_icon_minitime2009-07-02, 19:08


هههههههههههههههههههههههههههههههههههههه
ابداع ....مبالغة ....معقول دى ام سودانية .....ما بعتقد لانو امهاتنا ما كده
لكين على العموم رسالة حلوة تسلمى
الرجوع الى أعلى الصفحة اذهب الى الأسفل
abuabdullah
مشرف منتدي الشعر والخواطر
مشرف منتدي الشعر والخواطر


تاريخ التسجيل : 25/03/2009
عدد الرسائل : 90
العمر : 57

نصيحة ام سودانيييية لابنتها؟؟؟ خطيييييرة ما تفوتكم Empty
مُساهمةموضوع: رد: نصيحة ام سودانيييية لابنتها؟؟؟ خطيييييرة ما تفوتكم   نصيحة ام سودانيييية لابنتها؟؟؟ خطيييييرة ما تفوتكم I_icon_minitime2009-07-04, 04:46

الأم والله ما قصرت تَبَّ وصت بتها وميزتا وعبد الله والله مو الراجل الساهل بِتْحَكْمُوُ مَرَهَ ولكن أنا برضو بوصيه وبقول ليه:



عبد الله ولدي ما تكـــون بلـيد تَنْغَشْ

ولا تكون غشيــم مـــن عِنَادَا تَطْفَشْ

وريها العين الحَمَرَا أنفض ريشك واتنفشْ

أمسك مُحْوَرَكَ أخلـــف الكـي والتَـشْ

*****

خليك ديمه حازم ما توريها بياض سِنْـكْ

من صباح الرحمن طَلِّـعْ عَفَارِيِتَكْ وجِنْكْ

وبعد العودة قَلِبْ وجهك وريها جديد فَنْكْ

في النهاية براها بتطلــب وِدَادَكَ وحِنْكَ



خالص تحياتي،،، أبوعبد الله

_________________
إذا المرء لا يرعـــاك إلا تكلفـــــا **** فدعـــه ولا تكــــــثر عليه التأسفا
ففي الناس إبدال وفي الترك راحة **** وفي القلب صبر للحبيب ولو جفا
فما كل من تهواه يهـــواك قلبـــــه **** ولا كل من صافيتـه لـــك قد صفا
الرجوع الى أعلى الصفحة اذهب الى الأسفل
namarig hassan
عضو نشيط
عضو نشيط
namarig hassan

تاريخ التسجيل : 21/03/2009
عدد الرسائل : 283
العمر : 29

نصيحة ام سودانيييية لابنتها؟؟؟ خطيييييرة ما تفوتكم Empty
مُساهمةموضوع: رد: نصيحة ام سودانيييية لابنتها؟؟؟ خطيييييرة ما تفوتكم   نصيحة ام سودانيييية لابنتها؟؟؟ خطيييييرة ما تفوتكم I_icon_minitime2009-07-08, 07:54

ههههههههههههههههههههههههههههههههههههههههه
شكرا الاخت شوشو علي النصائح العجيبة والله امهات اخر زمان
نرجو المزيد من ................ اقصد النصائحlol!
الرجوع الى أعلى الصفحة اذهب الى الأسفل
http://www.albnbonab.hooxs.com
lamya omar
عضو نشيط
عضو نشيط
lamya omar

تاريخ التسجيل : 01/04/2009
عدد الرسائل : 255
العمر : 32
الموقع : بريطانيا

نصيحة ام سودانيييية لابنتها؟؟؟ خطيييييرة ما تفوتكم Empty
مُساهمةموضوع: رد: نصيحة ام سودانيييية لابنتها؟؟؟ خطيييييرة ما تفوتكم   نصيحة ام سودانيييية لابنتها؟؟؟ خطيييييرة ما تفوتكم I_icon_minitime2009-07-17, 13:41

ههههههههههههههههههههههههههههههههه
مشكورين اخت شوشو والخ عبدالله
نصايح جميله شديد
تسلمو
تقبلى مروري
الرجوع الى أعلى الصفحة اذهب الى الأسفل
 
نصيحة ام سودانيييية لابنتها؟؟؟ خطيييييرة ما تفوتكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البنبوناب :: منتديات البنبوناب الاسرية :: منتدي الاسرة والمجتمع-
انتقل الى: