الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 ميرا والجدة

اذهب الى الأسفل 
كاتب الموضوعرسالة
كيـــــــــــــــــــــجا
عضو فعال
عضو فعال
avatar

تاريخ التسجيل : 08/04/2009
عدد الرسائل : 44
العمر : 31
الموقع : البنبوناب

مُساهمةموضوع: ميرا والجدة   2009-06-08, 02:05

قصة مع (( ميرا و الجدة )) منقول
اتمنا ان تعجبكم
فى صباح أحد أيام أبريل من عام 2030 وفى إحدى الفلل المتواضعه بضاحية (قاردن سيتى الجديده) كان هذا الحوار يتم بين (ميرا) ذات الخمس عشرة ربيعا وجدتها (شيراز) :
ميرا : إنتى مالك يا (حبوبه) الليله زهجانه كده؟
الجدة: الما بزهجنى شنو؟ الواحدة ما عندها أى برنامج تعملو ولا أى حاجه تتسلى بيها
ميرا: طيب ما تفتحى (الدش) إحتمال تلاقى ليكى فيلم (آكشن) وإلا (فديو كلبات) تعجبك
الجدة: التليفزيون بقى ممل خالص مافيهو غير 8900 قناة بس!.وبعدين الريسيفرات الجديده دى أنا ما بعرف أشغلا.
«ميرا» تحاول أن تداعب جدتها وتخرجها من جو الكآبه :
- ميرا : يا سلام يا حبوبه (البنطلون) الجينز والبلوزة (البودى) دى عليكى تجنن .. يعني حاجة ظريفة وكده - مواصلة - لكن البنطلون ده مش محذق شوية ؟ هسع ما بضايقك ؟؟الجده : يضايقنى دى شنو ؟ ده هو ده اللبس المحتشم المفروض أى واحده تلبسو وتحافظ عليهو - فى تنهد - وين أيام زمان أيام (المشروع الحضارى) لما كنا نلبس فى (الحفلات) وبيوت الأعراس (البنطلون) الجينز والبلوزة (القصيرة) والواحده فينا ماشة (نانسى عجرم) كده وبطنها (كاشفه) و(صرتا ) بره ... يا سلام كنا بنات آخر إحتشام مش زيكم هسع !!
ميرا : يااى يا (تينتة) إنتو كان عندكم تقاليد وتزمت غريب
الجدة : إنتى قايله زمنك ده زمن ؟ يا حليل أيام زمان .. أيام كنا طالبات فى الجامعه ... إنتى قايلة الواحده ممكن كان تشرب ليها (سجارة) فى الكافتيريا زى إنتو هسع ؟ والله كان (قيامتا) تقوم.. إنتى قايله شنو كان فيه حاجة اسمها مثل وأخلاق (التدخين) فى الداخلية وبس!!
ميرا: يااى يا حبوبه.. معقول إنتو كنتو (محكومين) للدرجة الفظيعة دي!!؟
الجده: وبعدين لما كنا فى (الجامعة) كان فى قيود فى (الداخليات) الواحده فينا ما كان ممكن تبيت بره الداخلية غير (خمسة) أيام فى الأسبوع مش ذى هسع مافى زول يسألها لو غابت الأسبوع كلو - مواصلة - كان فى إنضباط شديد مش (تسيب) زى هسع !!
ميرا : والكليات ودخول الجامعة كان زى هسع؟
الجده : لا ذى هسع كيف؟ زمانك لو ما كانت النسبة بتاعتك 55% كلية الطب دى بى عينك ما تشوفيها مش زى دلوقتى أى واحدة مش عندها شهاده تسأليها بتقرى أيه؟ تقول ليكى (طب بشرى)!! علشان كدة (المستوصفات) ذاتا كانت مستوصفات يعنى إقل عملية (ولاده) الواحده تعملا كانو ينسو ليكى فى بطنها (قطعة شاش) أو شوية مقصات مش ذى دلوقتى (أمبارح) بقرأ فى الجرائد واحده ناسين فى بطنها (موبايل) !!
ميرا: وتانى يا «يا تيتة» كان عندكم شنو؟؟
-الجدة: أقول ليكى شنو وإلا شنو يا بتى؟؟.. زمان كنا بنسمع الغناء الراقى الجميل لى فنانين ليهم وزنهم جمال فرفور، نادر خضر، طه سليمان ، ندى القلعة -مواصلة فى تحسر- غناء يعنى غناء مش أى كلام ذى هسع الأغنية كانت تستمر أكتر من خمسة دقايق مش (نص دقيقة) ذى الغناء بتاعكم الهسع ده!! وبعدين كنا نسمع الغنا ده على حاجة اسمهاmp3 هسع إنقرضت وما موجوده لكن كان الغناء لمن تسمعيهو بيها عندو طعم خاص -مواصلة فى تحسر- يا سلام لما كانت الواحده فينا تخت الـ «mp3 » فى (حزام) البنطلون (الجينز) وتكون قاعده (مجكسة فى الكافتيريا) يا سلاااام كانت أيام
- و(الجكس) ده و(الخلط) ده فى (الكافتيريا) بس وإلا كنتو قاعدين تتفسحو وتتمشو بره؟
- (جكس) شنو يا غبيانه القاعد يطلع معانا سااكت كده؟؟ نحنا كان عندنا أى حاجه بالأصول.. مافى حاجه كان إسمها (جكيس) ساكت.. لازم أول حاجه الواحده مننا تعمل فى الأول (زواج عرفى) -مواصلة- إنتى قايلا المسائل سايبه زيكم هسع؟
ميرا: يااى إنتو كنتو (متزمتين) جدا يا حبوبه!!الجده: يا بتي يا (ميرا) نحنا كان عندنا أخلاق وتقاليد يعنى كان عندنا إذاعات إسمها الـ «إف إم Fm » البنات يتصلو فيها (على الهواء) ويتونسو مع المذيعين ودى تقول لى ده (أنا معجبه بيك) وده يقول لى دى (صوتك حلو) ودى تقول لى ده (موبايلك رقمو كم؟) وده يقول للمذيعة ( الغنية دى بهديها ليكى لأنها حلوة زيك كده) -مواصلة- ده كلو كان بالتلفون (بس) والناس كلها تسمعو ..!! شفتى كيف؟؟ (بالتلفون بس)؟؟ إنتى قايله المسائل سائبه نحنا كنا محتشمين و(دوله مشروع حضارى)؟؟
ميرا: (وهى تبتسم): أها هسع مش طيرت ليكى الزهجه بتاعتك؟
الجده: (فى تحسر): إنتى يا(ميرا) رجعتينى لى أحلى السنوات أيام سنة ألفين وألفين وشويه.. يا سلاام يا (ميرا) يا بتى كانت أيام!!
ميرا: طيب حبوبه أنا إستأذن عشان ح أستعد لانى ماشة المطار؟
الجده: ح تمشى تستقبلى منو؟
ميرا: لا مسافرين أنا و(سالى) و(دودى) صاحبا (باريس) كم يوم كده نتفسح وجايين الجده: وكلمتى بابا؟
ميرا: ما مشكلة ح أعمل ليهو «sms » من المطار أو لمن نوصل هناك!! - ترفع يدها وهى تبتعد- طيب تشاو .
الجده :سى يو!!



الرجوع الى أعلى الصفحة اذهب الى الأسفل
nuha alhajj
عضو نشيط
عضو نشيط
avatar

تاريخ التسجيل : 03/04/2009
عدد الرسائل : 124
العمر : 25
الموقع : السعودية
العمل/الترفيه : طااااالبة

مُساهمةموضوع: رد: ميرا والجدة   2009-06-08, 13:18


يديك العافية ع الموضوع الرائع
والله لو على كده نحنا حبوبات محترمات (مستقبليا)
هههههههههههههههههههههههههه

Very Happy
الرجوع الى أعلى الصفحة اذهب الى الأسفل
http://albnbonab.hooxs.com
كيـــــــــــــــــــــجا
عضو فعال
عضو فعال
avatar

تاريخ التسجيل : 08/04/2009
عدد الرسائل : 44
العمر : 31
الموقع : البنبوناب

مُساهمةموضوع: رد: ميرا والجدة   2009-06-08, 16:41

شكرا الاخت نهي اديك الصحه والعافيه ومايحرمك من حبوباتك
الرجوع الى أعلى الصفحة اذهب الى الأسفل
بدرالدين
عضو نشيط
عضو نشيط
avatar

تاريخ التسجيل : 15/04/2009
عدد الرسائل : 286
العمر : 28
الموقع : الخرطوم/ مكتب الرضوان للاستقدام الخارخى
العمل/الترفيه : منفذ

مُساهمةموضوع: رد: ميرا والجدة   2009-06-09, 08:29

اديك العافيه كيجا
والله الحبوبات اتطورن فى وسط علم ملى بالتكنلوجيا
واللهم اعطى حبوباتنا العافيه






الرجوع الى أعلى الصفحة اذهب الى الأسفل
http://BADRALDEEN500@HOTMAIL.COM
namarig hassan
عضو نشيط
عضو نشيط
avatar

تاريخ التسجيل : 21/03/2009
عدد الرسائل : 283
العمر : 28

مُساهمةموضوع: رد: ميرا والجدة   2009-06-10, 06:08

ديل كانو محتشمات والصرة برة طيب لو ما محتشمات حيعملو شنو والله احنا معنا ها حنكون متزمتين جدا
وفي انتظار المزيد
الرجوع الى أعلى الصفحة اذهب الى الأسفل
http://www.albnbonab.hooxs.com
tyara
المدير العام
المدير العام
avatar

تاريخ التسجيل : 09/03/2009
عدد الرسائل : 1303
العمر : 47
الموقع : المملكة المتحدة

مُساهمةموضوع: رد: ميرا والجدة   2009-06-11, 15:06


_________________




الرجوع الى أعلى الصفحة اذهب الى الأسفل
http://albnbonab.hooxs.com/index.htm?sid=ec68ac8c7f2dccf4d707741
um hago
عضو نشيط
عضو نشيط
avatar

تاريخ التسجيل : 15/05/2009
عدد الرسائل : 119
العمر : 30
الموقع : الخرطوم جبره
العمل/الترفيه : communication engineer

مُساهمةموضوع: رد: ميرا والجدة   2009-06-12, 08:16

معقوله كل التغير دا في 11 سنه والله دي مشكله
تقبل مروري
الرجوع الى أعلى الصفحة اذهب الى الأسفل
 
ميرا والجدة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البنبوناب :: منتديات البنبوناب الادبية :: منتدي القصص والروايات-
انتقل الى: